• Jóna Guðbjörg Torfadóttir

Endurminning úr Hinu dapra hrauni



Ljóð dagsins er Endurminning úr Hinu dapra hrauni en það er annað ljóðið eftir konu sem birtist í Tímariti Máls og menningar sem hefur komið út í einn áratug, þegar hér er komið sögu. Fyrsta ljóð eftir konu birtist í öðru hefti tímaritsins árið 1940. Síðan líða átta ár.


Ljóðið Endurminning úr Hinu dapra hrauni birtist í þriðja hefti tímaritsins árið 1946 (bls. 256), í desember, og höfundur er Fríða Einars en það var dulnefni Málfríðar Einarsdóttur framan af.



Endurminning úr Hinu dapra hrauni


Dagur er liðinn af ljósum

lognsævar öldum

út yfir dulvíddir drauma

daprar og heitar.


Hrímþoka lyppast í lyngi,

lyppast og saumar

fangamörk kvíðans og kuldans

kulnuðu laufi.


Enn gengur dagur að djúpi,

draumblámi nætur

litverpir laufþekjur moldar

lognsvölu húmi.