• Jóna Guðbjörg Torfadóttir

Gleði í Gröndalshúsi

Í gærkvöldi var svikakvöld í beinni útsendingu frá Gröndalshúsi en Svikaskáld standa að þessum ljóðakvöldum í samstarfi við Reykjavík bókmenntaborg UNESCO. Þó fámennt væri á staðnum var glatt á hjalla og fór vel á með skáldunum.

Sunna Dís Másdóttir kynnti skáldin og las Jóna Guðbjörg Torfadóttir upp úr ljóðabókinni Tásunum, sem samnefndur ljóðahópur gaf út, Ásta Björk Sveinbjörnsdóttir las úr nýútkominni ljóðabók sinni Ísblárri birtu en Þórdís Helgadóttir, Ágúst Ásgeirsson og Birnir Jón Sigurðsson lásu upp óútgefin ljóð.

Skáld.is mætti á svæðið og tók myndir af skáldkonunum:

F.v. Sunna Dís Másdóttir, Jóna Guðbjörg Torfadóttir, Ásta Björk Sveinbjörnsdóttir og Þórdís Helgadóttir.

Hér má hlýða á upplesturinn.