• Jóna Guðbjörg Torfadóttir

Frumbirting á ljóði eftir Ásdísi Óladóttur


Skáld.is fékk góðfúslegt leyfi skáldkonunnar Ásdísar Óladóttur til að gefa smjörþef af væntanlegri ljóðabók hennar. Þar er meðal annars að finna ljóðið Umbreyting sem hefur aldrei áður birst á prenti. Hin frumlega ljóðapönkhljómsveit Gertrude and the flowers hefur þó flutt ljóðið en sveitin sú flytur lög við ljóð Ásdísar sem jafnframt er aðalsöngkona hennar.

Ásdís hefur sent frá sér sjö ljóðabækur, auk ljóðasafnins Sunnudagsbíltúr sem kom út árið 2015. Það er því beðið með mikilli eftirvæntingu eftir væntanlegri ljóðabók en hún ber titilinn Óstöðvandi skilaboð og kemur út 26. september næstkomandi.

UMBREYTING

Ég les í

grænmáluð augnlok,

svört tár

sem renna

niður vanga hennar

yfir símtólið

í skeifuna

sem liggur í bollanum,

á sama andartaki

er framtíðin ráðin

og beiskur sopinn

verður minn.

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband