• Jóna Guðbjörg Torfadóttir

Nýtt og spennandi lesefni


Forlagið Espólin hefur sent frá sér tvær nýjar bækur. Önnur er eftir Önnu Dóru Antonsdóttur, en hún er önnur forleggjaranna, en hin er eftir Kristrúnu Guðmundsdóttur.

Bók Önnu Dóru Antonsdóttur nefnist Brennan á Flugumýri og er ætluð ungu fólki á öllum aldri, líkt og segir í kynningu bókar á vefsíðu forlagsins. Sagan segir frá atburðum Sturlungaaldar, þ.e. bæjarbrennu og brúðkaupi á Flugumýri í Skagafirði, sem áttu sér stað árið 1253. Sagan er myndskreytt af Elísabetu Kolbrá Úlfarsdóttur og Mio Storåsen og er í svipuðum anda og Bardaginn á Örlygsstöðum eftir Önnu Dóru sem kom út árið 2013.

Bókin eftir Kristrúnu Guðmundsdóttur nefnist Ráf í Reykjavík og er tilbrigði við smásöguna Gatan í rigningu eftir Ástu Sigurðardóttur (1930-1972). Í sögunni ræður ríkjum gatan, hafgolan og regnið og í aðalhlutverki er ráfandi götustelpa, líkt og í sögu Ástu. Þegar sólin skín er hún glöð og þakklát fyrir lífið. Það er engin tilvistarkreppa og bænir eru heyrðar.

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband