• Soffía Auður Birgisdóttir

Ljóðasafn Kristínar Ómarsdóttur


Kristín Ómarsdóttir hlaut Maístjörnuna fyrir síðustu ljóðabók sína Kóngulær í sýningargluggum (2017). Sú bók var áttunda ljóðabók Kristínar og flestar hinna fyrri ófáanlegar. Það eru því sönn gleðitíðindi að nú hefur bókaforlagið Partus safnað öllum ljóðabókum Kristínar saman í eitt ljóðasafn.


Í safninu eru eftirfarandi bækur:


Í húsinu okkar er þoka (1987)

Þerna á gömlu veitingahúsi (1993)

Lokaðu augunum og hugsaði um mig (1998)

Sérstakur dagur (2000)

Inn og út um gluggann (2003)

Jólaljóð (2006)

Sjáðu fegurð þína (2008)

Kóngulær í sýningargluggum (2018)



Í upphafsljóði síðastnefndu bókarinnar er að finna ljóðið Leiðsögn. Þar birtist okkur skáld í fylgd með leiðsögumanni „sem upplýsir forvitinn hóp úlpuklæddra túrista / í leit að andlegu pústi í vetrarkuldanum“. Lesendur fá að slást í hóp túristanna og njóta leiðsagnar skáldsins/leiðsögumannsins sem fylgir þeim í gegnum ljóðin sem á eftir koma. Nú gefst lesendum kostur á frábæru ferðalagi í gegnum einstakan ljóðheim KÓ - á slíku ferðalagi má búast við ýmsum ævintýrum, furðum og ögrandi hugmyndum sem ætti að vera efni í andlegt púst á komandi mánuðum og árum.


Myndin er tekin af facebook-síðu Kristínar Ómarsdóttur.