Útgáfuhóf: Hjartastaður endurútgefin

 

Annað kvöld er blásið til útgáfuhófs í Bókakaffinu á Selfossi í tilefni af endurútgáfu skáldsögunnar Hjartastaðar eftir Steinunni Sigurðardóttur.

 

Hjartastaður kom út árið 1995 og er ein þekktasta skáldsaga Steinunnar. Hún hreppti Íslensku bókmenntaverðlaunin árið 1995 og einnig var hún tilnefnd til Bókmenntaverðlauna Norðurlandaráðs. Bókin hefur verið ófáanleg lengi og ræður Mál og menning nú bót á því. 

 

Í lýsingu á viðburði er sögunni lýst svo: ,,Hjartastað má lýsa sem nokkurs konar road movie. Hún er nú endurútgefin við þær sérstöku aðstæður, að Íslendingar hafa í bili endurheimt landið sitt úr „greipum“ erlendra ferðamanna. En bókin kom út fáeinum árum áður en ferðamannabylgjan reið yfir, og eru vega- og náttúrulýsingar í samræmi við friðsældina sem var glötuð og ríkir nú aftur." 

 

Annað kvöld mun Steinunn sjálf lesa upp úr bókinni Önnur skáldkona, Harpa Rún Kristjánsdóttir, mun kynna hana fyrir gestum og Kristján B. Jónasson, bókaútgefandi mun flytja erindi um bókina.

 

 

Hófið hefst kl. 19:30 í Bókakaffinu, Austurvegi 22, Selfossi, og verða léttar veitingar í boði. 

Facebook
Líka við
Please reload

Please reload

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband