• Jóna Guðbjörg Torfadóttir

Þjófsaugun

Vilborg Dagbjartsdóttir varð níræð í gær en hún fæddist á Hjalla á Vestdalseyri þann 18. júlí árið 1930. Vilborg hefur sent frá sér fjölda verka en fyrsta ljóðabók hennar var Laufið á trjánum sem kom út árið 1960 og var hún þá ein af fáum konum sem skrifuðu atómljóð.

Skáld.is óskar Vilborgu innilega til hamingju með stórafmælið og finnst við hæfi að hún eigi ljóð dagsins. Ljóðið Þjófsaugun birtist í ljóðabókinni Klukkan í turninum sem kom út árið 1992. Ljóðið geymir útskýringu á viðurnefni Hallgerðar langbrókar og ennfremur túlkun á samskiptum hennar við Hrút móðurbróður sinn.

Þjófsaugun

Hann færði öllum gjafir

þegar hann kom – líka krökkunum

Móðir hennar tók við gjöfunum

og útdeildi þeim

Allir voru ánægðir með sinn hlut

nema hún

sem fékk andstyggilega flík

eitthvað sem kallinum hafði áskotnast

í útlöndum fyrir löngu

En engin hérlend stúlka gengi í slíkri dulu

Krakkarnir stungu saman nefjum

Láfi flissaði:

Gerða fékk langbrók!

Móðir hennar hastaði á þau

en of seint

orðið hékk í loftinu

og myndi hér eftir loða við hana

eins og slímugur kóngulóarvefur

Hvað hún hataði karlfjandann

Þarna sat hann á tali við föður hennar

hvimandi flóttalega út undan sér

litlum rauðsprengdum glyrnum

Hún fann kámugt augnaráð hans hvíla á sér

hvert sem hún sneri

Nú kallaði faðir hennar

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband