SKÁLD.IS

Konur skrifa um konur sem skrifa

Steinunn Inga Óttarsdóttir12. júlí 2020

Veiðilendur nýrra orða

Ein helsta skáldkona þjóðarinnar sem um þessar mundir hefur skrifað í hálfa öld, Steinunn Sigurðardóttir, fjallaði nýlega um nýyrðasmíð í útvarpsþættinum Tengivagninum á rás eitt. Þar eru m.a. nefndar til sögunnar orðasmiðir eins og Arnfríður Jónatansdóttir og Vilborg Dagbjartsdóttir.

Steinunn hvetur fólk m.a. í pistli sínum til að stunda nýyrðaveiðar. Hún gegndi starfi í ritlist í nafni Jónasar Hallgrímssonar í HÍ í eitt ár og hélt m.a. hátíðarfyrirlestur í tengslum við það:

„Á þeim ritkennsluvelli varð það fyrir mér í stærri stíl en ég hafði lagt upp með að stunda nýyrðarýni í ljóðmál íslenskra skálda, og varð úr í framhaldinu mikið nýyrðasukk og smíðar, ekki síst vegna góðra undirtekta nemendanna. Þessi orðaferð hófst sakleysislega á því að ég hvatti þá til þess að hvessa augun almennt á orð sem gætu reynst þeim girnileg sem sérstök uppspretta ljóðs, eða einfaldlega til að nota í ljóði, jafnt líkleg sem ólíkleg orð. Og svo að nýta hið gjöfula internet til orðaveiða með öllum þeim orðabókum og ritmálsskrám sem þar er að finna.“

Skáld.is mælir með pistlum þessum!