• Jóna Guðbjörg Torfadóttir

Svikakvöld - Aftur


Þann 16. júlí næstkomandi verður boðið upp á spennandi ljóðakvöld í Gröndalshúsi í Grjótaþorpi sem Svikaskáld standa fyrir í samstarfi við Reykjavík Bókmenntaborg UNESCO. Til stendur að halda þessi kvöld mánaðarlega, þriðja fimmtudag hvers mánaðar.

Svikaskáldin eru Fríða Ísberg, Melkorka Ólafsdóttir, Ragnheiður Harpa Leifsdóttir, Sunna Dís Másdóttir, Þóra Hjörleifsdóttir og Þórdís Helgadóttir. Svikakvöldin eru hins vegar hugsuð sem vettvangur sem rúmar öllu fleiri skáld, bæði ung skáld og reyndari, til að endurspegla fjölbreytileikann. Með þessu móti vonast skáldkonurnar til að „tengja saman kynslóðir, menningarheima og senur innan ljóðaheimsins í Reykjavík", líkt og kemur fram í viðburði Svikaskáldanna á Facebook. Dagskráin stendur frá klukkan 20-22 og boðið verður upp á kaffi, og jafnvel eitthvað fleira. Öll eru velkomin. Á stokk stíga átta skáld og þar af eru fimm konur:

Atli Pálsson Berglind Ósk Bergsdóttir Davíð Hörgdal Stefánsson Jakub Stachowiak Kristín Svava Tómasdóttir Linda Vilhjálmsdóttir Oddný Rósa Ásgeirsdóttir Stefanía Dóttir Páls

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband