• Steinunn Inga Óttarsdóttir

Sunnudagsljóð á Selfossi


Við minnum á að í Bókakaffinu á Selfossi sunnudaginn 12. júlí munu ljóð svífa yfir vötnum. Fjögur ljóðskáld koma fram, þar af þrjár konur en upplýsingar um þær allar er að finna í gagnagrunni okkar skáldatals.

Brynjólfur Þorsteinsson og Harpa Rún Kristjánsdóttir munu lesa úr væntanlegum ljóðabókum sínum, en árið 2019 hlutu þau bæði verðlaun fyrir ljóð sín, Brynjólfur hlaut Ljóðstaf Jóns úr Vör og Harpa Rún hreppti verðlaun Tómasar Guðmundssonar.

Nöfnurnar Steinunn Sigurðardóttir og Steinunn Arnbjörg Stefánsdóttir lesa einnig og sú síðarnefnda er einnig sellóleikari og tónskáld og mun leika og syngja draumkennda tónlist.

Dagskráin er flutt tvisvar sinnum, kl 14 og 15, og er takmarkaður sætafjöldi á viðburðina svo það er vissara að mæta tímanlega. Talið verður inn og eru 25 pláss í boði. Boðið er uppá ókeypis uppáhelling og te meðan á viðburðunum stendur.

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband