Nýjar slóðir fyrir fólk af erlendum uppruna

Bókin Nýjar slóðir: 12 stuttar léttlestrarsögur fyrir fólk af erlendum uppruna kom út á síðasta ári og er fyrsta bók Kristínar Guðmundsdóttur.  

 

Bókin inniheldur stuttar og sjálfstæðar léttlestrarsögur þar sem leitast er við að útskýra orðin og orðasamböndin sem koma þar fyrir með því að láta einhvern upplifa þau eða tala um þau. Einnig fá ævintýri að fljóta með; skyggnst er inn í hugarheim dýra og veraldlegir hlutir fá líf. Þá er komið inn á sögu Íslands, matarhefðir og margt fleira sem tengist íslensku samfélagi um leið og það bætist við íslenskukunnáttu lesenda.

 

Bókin er skrifuð með fullorðinsfræðslu í huga en það geta allir lesið hana óháð stöðu, kyni og trú. Vinkona Kristínar benti henni á að það væri skortur á bókum fyrir fólk af erlendum uppruna og því ákvað hún að ráðast í verkið. Þetta er fyrsta bók Kristínar, líkt og áður hefur komið fram, en hún er rétt að byrja og er með efni í fleiri bækur sem hún vonast til að geta gefið út á komandi árum.

Facebook
Líka við
Please reload

Please reload

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband