• Jóna Guðbjörg Torfadóttir

Í heimahöfn eftir Draumeyju Aradóttur


Ljóð dagsins er Í heimahöfn eftir Draumeyju Aradóttur en ljóðið hlaut viðurkenningu í ljóðasamkeppni Jóns úr Vör á árinu.

Í heimahöfn

Haustkvöldið breiðir voldugt

vænghaf yfir ólgandi höfnina

Fáklædd telpa í alltof stórum kuldaskóm

fetar sig hikandi út eftir hálli bryggjunni

Utar í firðinum veður óvæginn

öldukambur á land

tvístígur kvalráð milli hægri og vinstri

rýkur upp þegar minnst varir og

hellir sér af heift yfir völur og drang

milli ísbeittra orða og sefandi faðms

óvægnastur því sem

næst honum stendur

augun spurul - en móskan dylur margt

og eyrun hafa þegar heyrt of mikið.

Hagvanur flökkufugl sveimar hugsi

yfir fjörð, tún og hraun;

sundurtætt tjöld í barnaleikriti

(bönnuðu innan átján)

sem þrátt fyrir brotsjó

endar vel.

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband