Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

„Samtíminn er oft svo tilgerðarlegur“

Í Kiljunni 12. febrúar ræddi Egill Helgason við Þórdísi Gísladóttur um nýjustu ljóðabók hennar, Mislæg gatnamót. Þar fjallar Þórdís meðal annars um tilgerð og sjálfhverfu nútímans sem hefur ratað í bókina hennar og kætir marga. Viðtalið má nálgast hér.

 

Ljóð Þórdísar reiða fram hversdagsleg og kunnugleg viðfangsefni á svo skemmtilega óvæntan, stundum óvæginn, og frumlegan hátt, líkt og ljóðið Þakkarbæn sem Þórdís flutti í Kiljunni:

 

 

 

Þakkarbæn

 

Takk fyrir

bælingu og sjálfslygi,

skriftastóla vináttunnar,

bjórdælur,

kertaljós,

kossa,

og getnaðarvarnir.

 

Takk fyrir 

skuggsæl völundarhús,

verkjatöflur,

ofnæmislyf,

almenningssamgöngur

og 

hormónastíla

sem stungið er í leggöng.

 

Takk fyrir gamla elskhuga

og nýja,

mjúk sængurföt,

rúnkminnið,

og rökkvaða felustaði.

 

Takk fyrir sólina,

sundlaugarnar,

bæjarins bestu,

pantaðar pítsur,

mannbrodda og tröppusalt,

freyðibað,

freyðivín,

og þúsund þakkir fyrir þvottavélarnar.

 

En umfram allt,

takk fyrir hæfileikann til að geta staulast

óöruggum skrefum,

en þó standandi í lappirnar,

yfir flest sprengjusvæði lífisins.

 

Facebook
Líka við
Please reload

Please reload