Jóna Guðbjörg Torfadóttir∙31. janúar 2020
Enn berast Bergrúnu Írisi viðurkenningar!
Verðlaunabókin Lang-elstur að eilífu eftir Bergrúnu Írisi Sævarsdóttur var tilnefnd í gær til Barna- og unglingabókaverðlauna Vestnorræna ráðsins. Verðlaunin eru veitt annað hvert ár og er verðlaunaféð 60.000 danskar krónur.
Aðrar bækur tilnefndar voru grænlenska bókin Orpilissat nunarsuarmi kusanarnersaat (Det smukkeste juletræ i verden) eftir Juaaka Lyberth og færeyska bókin Loftar tú mær (Griber du mig) eftir Rakel Helmsdal.
Verðlaunin verða afhent í nóvember á bókmenntahátíðinni Bókadagar í Norræna húsinu í Þórshöfn í Færeyjum.