Steinunn Inga Óttarsdóttir∙30. nóvember 2019
Saga merkra kvenna
Í Fréttablaðinu í dag er viðtal við Málfríði Finnbogadóttur sem skrifar ævisögu rithöfundarins, framfarasinnans og alþingiskonunnar Guðrúnar Lárusdóttur (1880-1938). Fyrirsögnin er „Það þarf að segja sögu svona merkra kvenna“ og tekur skáld.is heils hugar undir það.
Í viðtalinu segir m.a. að Guðrún hafi haft óslökkvandi þörf fyrir að skrifa. Hún var um tíma afkastamesti rithöfundur landsins og bækur hennar mikið lesnar. Hún var ötull bréfritari, framfarasinni, hjálparhella og trúkona. Með viðtalinu er m.a. þessi fallega mynd hér til hægri, af Guðrúnu 23ja ára með fyrsta barn sitt í fanginu.
Titill bókarinnar er tilvitnun í Guðrúnu sjálfa: „En tíminn skundaði burt... með liðnu dagana í fanginu.“