Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Slokknar á morgunstjörnunni

 

Upphafslínur úr ljóðinu „Vetur“ úr bókinni Dvergliljur eftir Vilborgu Dagbjartsdóttur hafa verðið meitlaðar í eir og lagðar í steinhellur sem minnisvarði um merkar bókmenntir og frábæra skáldkonu. Verkið var afhjúpað á nýju torgi sem kallast Steinbryggja í miðbæ Reykjavíkur á dögunum. 

 

Skáldin Gerður Kristný og Sunna Dís Másdóttir fluttu ljóð eftir Vilborgu af þessu tilefni. Á Steinbryggju geta vegfarendur sest á skáldabekk, og notað snjallsímakóða til að hlusta á Vilborgu sjálfa lesa „Vetur“ og fleiri frábær ljóð.

 

Vilborg Dagbjartsdóttir fæddist á Hjalla á Vestdalseyri þann 18. júlí árið 1930. Eftir hana liggur fjöldi skáldverka. Fyrsta ljóðabók Vilborgar var Laufið á trjánum sem kom út árið 1960 og var hún þá ein af fáum konum sem skrifuðu atómljóð. Þá hefur Vilborg verið ötull og öflugur þýðandi í gegnum árin og kennari í Austurbæjarskóla í samfelld 45 ár. 

 

Vetur

Þegar slokknaði á morgunstjörnunni
varð máninn kyrr.
Sólin veifaði
skýjaslæðu
til hans
yfir fjallið
sem gleymdi að taka ofan
nátthúfuna

Fíngerðan rósavef
óf á rúðuna
frostið

 

Facebook
Líka við
Please reload

Please reload