Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Meiri sand

 

 

Ljóðahópinn Tásurnar skipa þau Ágúst Ásgeirsson, Jóhann G. Thorarensen og Jóna Guðbjörg Torfadóttir en hún er annar ötulla ritstjóra skáld.is.

 

Jóna er með M.A. próf í íslenskum bókmenntum og M.A. próf í kennslufræði. Hún hefur starfað í rúman áratug sem íslenskukennari í Menntaskólanum við Sund. Jóna hefur fengist nokkuð við ritstörf og þýðingar og sent frá sér fræðigreinar, skáldverk og kennsluefni. 

 

Í þessari bók gefur að líta afrakstur hátt í sex ára ljóðasamstarfs Tásanna. Yrkisefnin eru fyrirfram valin, ólík og óvænt, og hefur hvert skáld sinn háttinn á. Í bókinni er að finna töluvert af kaffi og bakkelsi, en einnig ýmislegt sterkara. Skáldin yrkja um ást, æsku og örlög en einnig skáldskapinn sjálfan og stellingarnar sem þarf til að nálgast hann.

 

Ákveðin þemu og orð skjóta upp kollinum í ljóðum þeirra allra, en nálgunin er gjarnan gjörólík. Úr verður mis­munandi sýn á sömu hluti, séð frá annarra tám.

 

Ljóð dagsins er eftir Jónu Guðbjörgu.

 

 

Með sand í hjartanu

 

Með sand í augum, í nefi,

í eyrum, með sand

í hjartanu.

 

Mér lætur svo vel að þjást.

Ég kann það - enda hef ég

hlotið þjálfun

til margra ára.

 

Má ég því biðja um

meiri sand, 

þar til ég má ekki lengur

mæla, næ ekki 

lengur

 

andanum. Sand sem hylur

skömmina, felur

sektarkenndina,

grefur eftirsjána.

Meiri sand.

 

(50)

 

 

 

 

 

 

 

Facebook
Líka við
Please reload

Please reload