• Jóna Guðbjörg Torfadóttir

Huldubréf á merkum degi


Skáldkonan Hulda, Unnur Benediktsdóttir Bjarklind, fæddist þennan dag, 6. ágúst, árið 1881 að Auðnum í Laxárdal í Suður-Þingeyjarsýslu. Hulda er einna þekktust fyrir þjóðhátíðarljóðið Hver á sér fegra föðurland og sinnti hún einkum ljóðagerð um ævina. Hún sendi frá sér sjö ljóðabækur og einnig fjölda skáld- og smásagna samfara því að reka stórt heimili.

Árið 1905 giftist Hulda Sigurði Sigfússyni frá Halldórsstöðum í Reykjadal en nálgast má bréfaskriftir Huldu til tengdamóður sinnar, Sigríðar Jónsdóttur, á vef Kvennasögusafns Íslands.