„Í þessum einstaka mosa“
Landskunnur bókmenntafræðingur og skáld slæst í hópinn í dag. Friðrika Benónýs er áhrifavaldur í íslenskum bókmenntum, bæði sem gagnýnandi, fræðikona og ritstjóri. Bók hennar um ævi Ástu Sigurðardóttur, Minn hlátur er sorg (1992) er löngu uppseld og ófáanleg og sannarlega tímabært að gefa hana út aftur. Friðrika hefur skrifað ótal ritdóma og birt greinar í ýmsum tímaritum auk þess að yrkja ljóð, skrifa skáldsögur, þýða spennusögur og ritstýra safni safaríkra ástarbréfa.
Í skáldsögu Friðriku frá 2017 er eftirfarandi kafli, sem tilnefndur var til Rauðu hrafnsfjaðrarinnar sem besta kynslífslýsing ársins:
Endir
Á morgun er kominn nýr dagur.
Opið allan sólarhringinn og allt er ókeypis!
En svo kemur að því að dagarnir verða ekki fleiri.
Skondrumst því þangað
sem ekki er spurt um skilríki.
Og ég veit að þú segir já
þegar ég spyr hvort þú viljir
ríða mér í þessum einstaka mosa
sem tekur sér 100 ár til að fullorðnast.