Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Ljóð dagsins

 

Ljóð dagsins er prósaljóð eftir Berglindi Gunnarsdóttur og er úr ljóðbók hennar Ekki einhöm sem kom út 2013

 

JOAN BAEZ

 

Eitt sumar vann ég sem næturvörður á Nýja Garði. Í herbergi vaktmannsins var geymt safn af hljómplötum og grammófónn. Þar á meðal var plata með Joan Baez sem ég hlustaði mikið á, einkum lagið All in green went my love riding.

Þegar allt hafði hljóðnað á hótelinu á þessum sumarnóttum þegar ég sat uppi ein og vakti, söng Baez fyrir mig þetta kvæði eftir e.e.cummings.

Ég hlustaði á hægan slátt lagsins sem stangaðist sérkennilega á við fleygiferð veiðimannsins og mjóhundana æðandi í slóð dádýrsins. Silfurstef píanósins undirstrikaði feigðina, hið grimma gjallarhorn, síðan dökk áferð knéfiðlunnar. Á tímanum eftir klukkan fjögur féll allt í dauðadá og það var eins og veröldin væri ekki til.

Áður en fuglarnir fóru að vakna aftur til lífsins og morgunsins. Ég hef stundum hugsað um þetta lag og reynt að finna plötuna en ekki tekist það.

Facebook
Líka við
Please reload

Please reload