Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Verðmætasta Íslandssagan

 

Endurminningar Ingunnar Jónsdóttur á Kornsá, Bókin mín, hlutu góðar viðtökur þegar þær komu út árið 1926, þegar Ingunn var rúmlega sjötug. Sigurður Nordal kvað bókina vera sanna, einlæga, blátt áfram, skemmtilega og spaklega. Sigfús Halldórs frá Höfnum taldi næstu bók Ingunnar, Minningar (1937) vera „svolítið meistaraverk“. Jóhannes úr Kötlum ritaði meðal annars um þriðju bókina, Gömul kynni (1946) að það væri „hinn hlýi, kyrrláti andi mæðra vorra, sem svífur yfir þessari bók“ og hann hélt áfram: „manni verður einkennilega notalegt í skapi, eins og hin aldna kona sitji við hlið manns í skammdegisrökkrinu og dragi dýrgripi reynslu sinnar upp úr djúpi liðinnar ævi.“ Einhver ónafngreindur skrifaði í blaðið Tímann um bækur Ingunnar: „Ég hygg, að ekki sé til önnur verðmætari Íslandssaga en einmitt þessar bækur, það sem þær ná". Ingunn er komin í skáldatalið og má lesa um hana hér.

 

Facebook
Líka við
Please reload

Please reload