Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Fræ sem frjóvga myrkrið hlýtur Maístjörnuna

 

Ljóðabókin Fræ sem frjóvga myrkrið eftir skáldkonuna Evu Rún Snorradóttur hlýtur Maístjörnuna í ár. Ljóðabókaverðlaunin voru afhent við hátíðlega dagskrá í Þjóðarbókhlöðunni á mánudaginn var en aðrar tilnefndar bækur voru Ódauðleg brjóst eftir Ásdísi Ingólfsdóttur, Sálumessa eftir Gerði Kristnýju og Smáa letrið eftir Lindu Vilhjálmsdóttur, ásamt Vistarverum eftir Hauk Ingvarsson og Homo economicus I eftir Sigfús Bjartmarsson.

 

Þetta er í þriðja sinn sem ljóðabókaverðlaunin Maístjarnan eru veitt en að þeim standa Rithöfundasamband Íslands og Landsbókasafn Íslands. Allar útgefnar íslenskar ljóðabækur ársins 2018 sem skilað var til Landsbókasafns Íslands voru gjaldgengar. Í dómnefnd sitja Sveinn Yngvi Eg­ils­son og Eva Kamilla Ein­ars­dóttir en rökstuðningur þeirra fyrir valinu er eftirfarandi: 

 

„Fræ sem frjóvga myrkrið (Benedikt bókaútgáfa, 2018) er frumleg og fjölbreytt ljóðabók þar sem skáldið Eva Rún Snorradóttir bregður á leik með ýmis form, allt frá örleikritum til prósaljóða. Fyrri hluti bókarinnar er margradda lýsing á ferð vinkvenna til sólarlanda sem reynist í senn nöturleg og fyndin. Síðari hlutinn er einlægari og myndrænni og þar eru ljóð sem lýsa vináttu, sársauka, sjálfsuppgötvun og annarlegum heimi á áleitinn hátt. Þannig beitir Eva Rún ólíkum sjónarhornum og formum sem sameina hið ljóðræna og leikræna og nær með því að draga upp sterka og margræða mynd af heiminum sem hreyfir við lesandanum.“

 

Hér má hlýða á Evu Rún flytja ljóðið Vinátta kvenna úr verðlaunabókinni.

 

Skáld.is óskar Evu Rún innilega til hamingju með verðlaunin.

 

 

Facebook
Líka við
Please reload

Please reload