Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Laufey og Lífsbókin

 

Ein af perlum íslenskrar tónlistar er lagið Lífsbókin, sem Bergþóra Árnadóttir flutti svo eftirminnilega. Bergþóra samdi lagið en samnefnt ljóð samdi Laufey Jakobsdóttir (1915-2004):

 

Lífsbókin

Ljúktu nú upp lífsbókinni
lokaðu ekki sálina inni.
Leyfðu henni í ljóði og myndum,
leika ofar hæstu tindum.

 

Svipta burtu svikahulu.
Syngja aftur gamla þulu
líta bæði ljós og skugga,
langa til að bæta og hugga.

 

Breyta þeim sem böli valda

breyta stríði margra alda.

Breyta þeim sem lygin lamar,
leiða vit og krafta framar.

 

Gull og metorð gagna ekki
gangir þú með sálarhlekki.

 

 

Hér má sjá Bergþóru Árnadóttur flytja lagið:

 

 

 

 

 

  

 

 

 

 

 

 

Laufey rataði einnig sjálf inn í texta frægs textahöfundar og söngvara en Megas minnist hennar í Krókódílamanninum. Laufey var búsett lengi vel að Grjótagötu 12 og var hún kölluð „amman í Grjótaþorpinu.“ Hún barðist fyrir því að opnað yrði almenningsklósett á svæðinu og vildi tryggja unglingunum, sem í þá daga sóttu Hallærisplanið, öruggt skjól.      

Í Krókódílamanninum segir frá því þegar ógeðfelldur maður ætlar að notfæra sér ástand dauðadrukkinnar stúlku en þá mætir bjargvætturinn Laufey, líkt og frá greinir í lokaerindum lagatextans:

 

. . .

er einhver sem heyrir

þó æpi ein drukkin dama

ætli nokkur heyri

þó æpi litla daman

jú allt í einu birtist

 

bjargvætturinn Laufey

blásvört í framan

krókódílamaðurinn

kemst undan á flótta

kerlingin finnur hann loks

á útidyratröppunum

lamaðan af ótta

 

ímyndiði ykkur bara

hefði Laufey ekki komið

enn ein drukkin pía

á planinu hún væri

ekki lengur hrein mey

 

Laufey barðist ævinlega fyrir rétti lítilmagnans. Auk þess að ala upp átta börn og sinna unglingunum í miðbæ Reykjavíkur var hún einn af stofnendum Kvennalistans og heiðursfélagi í Dýraverndunarfélagi Íslands, þá sinnti hún málefnum aldraðra og gegndi formennsku Torfusamtakanna um tíma. Laufey var sæmd riddarakrossi Hinnar íslensku fálkaorði 17. júní árið 1996 og var vel að henni komin.

 

 

 

 

Facebook
Líka við
Please reload

Please reload