Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Bók vikunnar á Rás 1: Tungusól og nokkrir dagar í maí

 

Tungusól og nokkrir dagar í maí eftir Sigurlín Bjarneyju Gísladóttur er bók vikunnar á Rás 1. Ljóðabókin kom út árið 2016 og hlaut tilnefningu til Maístjörnunnar árið eftir.

 

Bygging bókarinnar er býsna óhefðbundin; hún skiptist í þrjá hluta og geyma fyrsti og þriðji hluti prósaverk en annar hluti ljóð. Prósaverkin eru annars vegar skálduð dagbókarskrif Látru-Bjargar og hins vegar persónuleg dagbókarskrif úr samtímanum en þar fjallar skáldkonan um missi sinn og ástarsorg.

 

Það er vert að enda þessi fáeinu orð á einu ljóðanna úr þessari áhugaverðu bók Sigurlínar:

 

 

 

Núll

(undir áhrifum frá Corpus Hermeticum)

 

Farðu upp á hæstu tinda
og í dýpstu dali, gakktu í eldinn, hafið
og holur jarðar.
Safnaðu saman í kjarna þinn:
Eldi, vatni, jörð og andardrætti vinda.

 

Vertu fóstur, fædd, ung og öldruð
deyðu
farðu handan dauðans
vertu samtímis í rýminu
fyrir fæðingu og eftir dauða.

 

Vertu alls staðar og hvergi
sólkerfi og sandkorn
stjarna og steinn djúpt í jörðu
glóandi stjörnusteinn og þá birtist
núllstilling.

Facebook
Líka við
Please reload

Please reload