• Steinunn Inga Óttarsdóttir

Stormviðvörun!


Stormviðvörun var send út til landsmanna árið 2015, þriðja ljóðabók skáldkonunnar Kristínar Svövu Tómasdóttur. Áður hafði hún samið tvær ljóðabækur sem vöktu athygli fyrir hressilegt tungutak og róttækni. Frumraunin Blótgælur (2007) ruddist fram með ælu, djammi og kaldhæðinni ádeilu á lífsstíl og neyslu. Næsta bók, Skrælingjasýningin (2011) þótti hárbeitt og ögrandi. Í Stormviðvörun hafa ljóðin styst, meitlast og mildast, ádeilan er ekki lengur hvöss og klúr.

Alls eru 18 ljóð í bókinni sem fjalla um margvíslegt efni, m.a. þunglynda Íslendinga:

Gróðurhús

Geislavirkur birtukúpull

yfir snævi þakinni jörð

þrisvar á sólarhring er slökkt

svo plönturnar haldi að það sé komin nótt

leggst þá þunglyndi yfir mennska þegna

þessa varma lands

(13)

Fjallað er um Stormviðvörun hér á skáld.is og vel við hæfi að rifja það upp núna í köldu vetrarrokinu.

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband