• Soffía Auður Birgisdóttir

Fyrirlestur um Jane Austen á meðal kvenna

Þriðjudaginn 19. febrúar heldur Alda Björk Valdimarsdóttir, dósent í almennri bókmenntafræði við Háskóla Íslands, fyrirlestur sem hún kallar: Jane Austen á meðal kvenna. Skáldkonan í þremur vinsælum kvennagreinum.


Alda Björk Valdimarsdóttir ræðir hér um nýútkomna bók sína Jane Austen og ferð lesandans. Verk Jane Austen hafa aldrei verið vinsælli en á okkar dögum og sér ekki fyrir endann á skáldsögum og kvikmyndum sem sótt eru í þau. Glíman við Austen fer sjaldnast fram í einrúmi og hún er höfundur sem lesendur eiga í ákafari samræðum við en gengur og gerist. Í fyrirlestrinum er sagt frá því hvernig ímynd Austen lifir áfram innan þriggja bókmenntagreina sem löngum hafa verið tengdar konum og njóta gríðarlegrar hylli, þ.e. í ástarsögum, skvísusögum og sjálfshjálparritum.


Fyrirlesturinn er haldin í Veröld - Húsi Vigdísar við Suðurgötu og hefst kl. 16:30. Aðgangur er ókeypis og allir velkomnir. Bók Öldu Bjarkar verður til sölu á staðnum.


Nánari upplýsingar um Öldu Björk má finna í Skáldatalinu.











Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband