SKÁLD.IS

Konur skrifa um konur sem skrifa

Steinunn Inga Óttarsdóttir17. febrúar 2019

FIMM SKÁLDKONUR

 

Bekkur íslenskra skáldkvenna þéttist í sífellu. Í vikunni bættust fimm við skáldatalið:

Ásdís Halla Bragadóttir sem skrifað hefur dramatíska fjölskyldusögu sína (Tvísaga og Hornauga), Elísabet Geirmundsdóttir en hún var fjölhæf listakona sem m.a. orti ljóð en lést fyrir aldur fram, Svanhildur Þorsteinsdóttir Erlingssonar hin fagra sem skrifaði smásögur, Sigrún Björnsdóttir, en hún er ritlistarnemi um þessar mundir, auk ungskáldsins Þóru Hjörleifsdóttur sem sendi frá sér skáldsöguna Kviku á dögunum um sjúka ást.