• Ása Jóhanns

Eldhús eftir máli, hversdagslegar hryllingssögur Svövu og Völu í Hannesarholt 18. og 22. apríl, 2018


Leikhúslistakonur 50+

Leikhúslistakonur 50+ standa fyrir leiklestri á leikverkum Svövu Jakobsdóttur á vordögum 2018 í Hannesarholti. Eldhús eftir máli, leikrit Völu Þórsdóttur eftir smásögum Svövu Jakobsdóttur er síðast í röðinni miðvikudaginn 18.apríl kl. 20 og sunnudaginn 22.apríl kl.16.

Vala Þórsdóttir samdi verkið upp úr eftirfarandi sögum Svövu: Saga handa börnum, Eldhús eftir máli, Gefið hvort öðru, Veizla undir grjótvegg og Krabbadýr, brúðkaup, andlát ásamt sjöttu sögunni um ófrísku konuna sem er eftir Völu sjálfa.

Verkefnis- og leikstjóri: Þórunn Magnea Magnúsdóttir Leikendur: Björn Ingi Hilmarsson, Hanna María Karlsdóttir, Íris Tanja Flygenring, Jakob S.Jónsson, Jóhanna Norðfjörð, Júlía Hannam, Kjartan Darri Kristjánsson, María Sigurðardóttir og Sigurður Karlsson.

Á miðvikudeginum opnar húsið kl.19 og á sunnudeginum er veitingastofan opin frá 11.30-17 og býður kaffi og vöfflu á tilboði á undan leiklestrinum.

Hægt er að kaupa miða á Tix.is