Kona á skjön - sýning um ævi og störf Guðrúnar frá Lundi

Á laugardaginn, 20. janúar, opnar sýning um ævi og störf Guðrúnar frá Lundi í Borgarbókasafni Reykjavíkur - Menningarhúsi Grófinni, Tryggvagötu 15. Viðburðurinn hefst kl. 14 og lýkur kl. 16 en sýningin stendur fram til 4. mars.

 

Sýningarhöfundar eru Kristín Sigurrós Einarsdóttir, leiðsögumaður og kennari, og Marín Guðrún Hrafnsdóttir bókmenntafræðingur og langömmubarn Guðrúnar. Titill sýningar er sóttur í lokaverkefni Marínar sem snýst öðrum þræði um að miðla merkum rithöfundaferli Guðrúnar með sýningu sem geymir upplýsingar um ævi hennar og verk á textaspjöldum í bland við persónulega muni.

 

Marín rekur feril Guðrúnar sem hún líkir við öskubuskuævintýri þar sem þessi alþýðukona úr Skagafirði verður metsöluhöfundur nánast á einni nóttu. Guðrún er orðin rétt tæplega sextug þegar fyrsta bókin kemur út en hún nær samt að skrifa 27 bækur áður en yfir lýkur. Á þessum tíma eru kvenrithöfundar afar fáir á mjög karllægum ritvelli og voru verk Guðrúnar lengi vel flokkuð sem ómerkileg afþreying og kerlingabókmenntir. Frekari upplýsingar um Guðrúnu frá Lundi má nálgast í Skáldatalinu og lokaverkefni Marínar í Skemmunni.

 

 

 

 

Facebook
Líka við
Please reload

Please reload

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband