Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

xii kaðall - Kristín Ómarsdóttir

 

 Ljóð vikunnar er að þessu sinni frumbirting en ljóðið xii kaðall hefur hvergi birst áður. Höfundur er Kristín Ómarsdóttir en hún er eitt af okkar fremstu skáldum. Kristín hefur fengist jöfnum höndum við ljóða- og skáldsagnagerð, smásögur og leikritun og hefur hún hlotið fjölda viðurkenninga fyrir verk sín. Á haustmánuðum kom út ljóðabók hennar Kóngulær í sýningargluggum og er hún tilnefnd til Íslensku bókmenntaverðlaunanna. 

 

Frekari upplýsingar um skáldkonuna má finna í Skáldatalinu.

 

 

 

 

 

 

 

 

xii

kaðall

 

 

ó

 

á vondaufum degi treður meistarinn glerbrotnum regnboga upp í mig

þau skera orðin niður í sneiðar, hann heftar á mér kjaftinn

 

heft, heft, sárabindi, plástur

hann merkir tjúllann: vinnusvæði

 

ó

 

eitt sinn á vondaufum degi kyssti ég regnbogann

(ha, ha, ha, hlátur af segulbandi)

svo laumaði hann hendinni undir kjól minn,

 

úr vösum hans dró ég kaðal

meiri kaðal, endalaust

 

ó

 

ég meiddi mig ekkert

Facebook
Líka við
Please reload

Please reload