Jóna Guðbjörg Torfadóttir∙22. október 2017
Frumbirting ljóðs: Æfingar - Heiðrún Ólafsdóttir
Skáld.is frumbirtir ljóð eftir Heiðrúnu Ólafsdóttur en ný ljóðbók eftir skáldið er væntanleg 1. nóvember. Frekari upplýsingar um skáldkonuna má finna í skáldatalinu hér á Skáld.is.
Æfingar
Teygi þolinmæðisþráðinn,
æfi traustvöðvana.
Er með úniversið
í maganum
hvorki meira né minna.
Mig grunar að samviska mín
búi í Norðurmýrinni.
Virðist samt hafa týnt
bæði tunglinu
og sjálfri mér.
Dreymir drjúpandi smjör
og vakna með harðsperrur
eftir síðdegiskríuna.
Held ég taki lúra
til endurskoðunar.
Suma daga er mér um megn
að bjarga heiminum.