• Jóna Guðbjörg Torfadóttir

Heiðursdagskrá og sýning um Jóhönnu Kristjónsdóttur


Fimmtudaginn 12. október verður opnuð sýning um ævi og verk Jóhönnu Kristjónsdóttur sem lést fyrr á árinu. Sýningin verður í bókasafni Seltjarnarness og sunnudaginn 15. október verður mikil dagskrá henni til heiðurs í Félagsheimili Seltjarnarness. Dagskráin hefst kl. 15 og þar koma fram Ásgerður Halldórsdóttir, Elísabet Jökulsdóttir, Embla Garpsdóttir, Hildur Bjarnadóttir, Hrafn Jökulsson, Jökull Elísabetarson, Rannveig Guðmundsdóttir, Sigþrúður Guðmundsdóttir og Styrmir Gunnarsson. Daníel Helgason og Sigrún Kristbjörg Jónsdóttir leika arabíska og líbanska tónlist. Vera Illugadóttir verður kynnir. Í hléi verða seldir munir fyrir Fatímu sjóðinn sem Jóhanna stofnaði til að styðja jemenskar konur. Þá verður einnig hægt að kaupa kaffi og vöfflur.

Heiðursdagskráin um Jóhönnu er þáttur í Menningarhátið Seltjarnarness og má nálgast dagskrána hér.