• Jóna Guðbjörg Torfadóttir

það sást selur í ánni eitt árið


Ljóð dagsins er eftir Elínu Gunnlaugsdóttur tónskáld og skáldkonu sem nú hefur bæst við Skáldatalið. Elín byrjaði ung að yrkja og á framhaldsskólaárunum birtust nokkur ljóð eftir hana í blöðum og tímaritum.


Elín hefur gefið út tvö bókverk tengd tónlist sinni og árið 2020 sendi hún frá sér ljóðabókina Er ekki á leið - Strætóljóð. Bókin er prýdd ljósmyndum eftir Elínu sem hæfa vel efninu. Líkt og titill bókar gefur til kynna hverfast ljóðin um strætóferðir og ýmsar hugrenningar ljóðmælanda á þeim ferðum sínum og er gjarnan stutt í húmorinn, líkt og sjá má í ljóðinu um Selfoss:



selfoss ii


fossinn!


bara djók

segi ég við

ferðamennina


þeir verða

sorgmæddir

á svipinn


svo ég flýti mér að segja:

það sást selur í ánni eitt árið