Stella Blómkvist er dulnefni höfundar sem skrifar harðsoðnar glæpasögur um samnefnda konu. Konur, kyn og kynhlutverk fá óvænta athygli í glæpasögum hennar sem eru femínískar inn að kili. Mesti töffarinn er Stella sjálf, tvíkynhneigð og kaldhæðin með ríka réttlætiskennd og eldheitur málsvari smælingjanna. „Háskakvendi sem geysist leðurklædd um á silfurfáki og tekur bæði harðsnúnustu bófa og kerfiskalla í nefið“ segir á bókarkápu Morðsins í Snorralaug (2019). Ekki er vitað hvort Stella er dulnefni konu eða karls.
 
Bækur Stellu hafa verið þýddar á þýsku og tékknesku.
 
Mynd úr myndasafni Wix.