Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Rósa B. Blöndals hét fullu nafni Jóhanna Rósa Björnsdóttir Blöndal. Hún fæddist 20. júlí árið 1913 í Reykjavík. Rósa nam í Héraðsskólanum á Laugarvatni og Kennaraskóla Íslands. Hún lauk kennaraprófi árið 1934 og starfaði síðan við kennslu og skólastjórn víða um land. Lengst af var Rósa kennari á Laugarvatni og prestsfrú á Mosfelli í Grímsnesi eftir að hún giftist séra Ingólfi Ástmarssyni. Frá árinu 1981 bjuggu hjónin á Selfossi. Ingólfur lést árið 1994 en Rósa 6. nóvember árið 2009.

 

Rósa vann mikið að ritstörfum; hún sendi frá sér bæði ljóð og lausamál, hélt erindi og birti greinar í blöðum. Einnig birtist eftir hana smásaga í Pennaslóðum árið 1959 en þar áttu tíu aðrar nafnkunnar konur stuttar sögur. Í viðtali frá árinu 1964 við þau hjónin talar Rósa hins vegar af mikilli hógværð um skáldskap sinn, vill ekki á hann minnast og kallar hann „barnabrek“ og „æskuóra.“ Það þurfi hæfileika til að skrifa segir hún.

 

Heimildir:

  • Guðjón Albertsson. 1964, 5. júlí. „Prestshjónin.“ Alþýðublaðið: Sunnudagsblaðið. Slóðin er https://timarit.is/view_page_init.jsp?pageId=3631309
  • Helga Kress. 2001. „Rósa B. Blöndals 1913,“, bls. 306. Stúlka. Ljóð eftir íslenskar konur. Bókmenntafræðistofnun Háskóla Íslands, Reykjavík.
  • Soffía M. Gústafsdóttir. 2009. „Rósa B. Blöndals.“ Mbl.is. Slóðin er https://www.mbl.is/greinasafn/grein/1311044/

 

Myndin af Rósu er sótt á vefsíðuna Discogs.

Rósa B. Blöndals

    • 2008 Kveðjur
    • 2000 Íslands aldar árþúsunda-aldamót
    • 1998 Flúra, lúra, lýra
    • 1998 Hátíðarljóð á Þorláksmessu
    • 1989 Skáld-Rósa
    • 1987 Leyndar ástir í Njálu
    • 1974 Óður til Íslands
    • 1967 Mývatn - Þjóðgarður
    • 1966 Fjallaglóð
    • 1938 Lífið er leikur
    • 1933 Þakkir
    • 1955 Smásagnasamkeppni Samvinnunnar: Nafn drottningarinnar