Oddfríður Sæmundsdóttir (Fríða) fæddist 13. júní 1902 á Elliða í Staðarsveit. Foreldrar hennar voru Stefanía Sæmundsdóttir húsmóðir, og Sæmundur Sigurðsson bóndi og hreppstjóri. Oddfríður giftist Ingólfi Sveinssyni og eignuðust þau þrjá syni, einn þeirra var Guðmundur píanóleikari.

 

Oddfríður stundaði verslunarstörf o.fl. áður en hún varð heimavinnandi húsmóðir. Eftir lát eiginmanns síns starfaði hún við verslun o.fl. Seinast vann hún hjá Lyfjaverslun ríkisins. Fríða lést árið 2000.

 

Fyrsta kvæði Oddfríðar sem birtist á prenti heitir „Við dagsetur“. Guðrún Erlingsdóttir, ekkja Erlings Þorsteinssonar, birti það í bók sem heitir Dropar og kom út 1927. Þegar Oddfríður var 86 ára gaf hún sjálf út ljóðabókina Rökkvar í runnum. Í bókinni eru ljóð ort á ýmsum tímum, einnig sönglagatextar, skátaljóð og þýðingar. Á bókarkápu segir Oddfríður að nú hausti að og rökkvi í runnum og ævikvöldið færist yfir og bókin sé því jafnframt kveðja til vina og samferðarmanna. Mörg ljóðin eru ort við Hreðavatn í landi Laxfoss. Kvæðið „Rökkvar í runnum“ hefur verið sungið inn á hljómplötur af Sigurði Ólafssyni og síðar Þuríði Sigurðardóttur og Ragnari Bjarnasyni, en lagið gerði Jónatan Ólafsson, frændi Oddfríðar. Kvæðið hefst svo: 

 

Rökkvar í iðgrænum runnum

rósirnar blómknöppum loka.

Tunglskinið titrar á unnum

tindana umlykur þoka...

 

Hér má lesa viðtal við Oddfríði í Mbl. frá 1991.

 

Oddfríður Sæmundsdóttir

  • 1988  Rökkvar í runnum

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband