Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Margrét Örnólfsdóttir er fædd í Reykjavík 21. nóvember 1967. Hún útskrifaðist með stúdentspróf frá Menntaskólanum í Hamrahlíð árið 1988 og lauk 8. stigi í píanóleik frá Tónlistarskólanum í Reykjavík árið 1994.

 

Margrét var hljómborðsleikari Sykurmolanna frá 1988 til 1992. Síðan þá hefur hún starfað sjálfstætt sem tónlistarmaður, samið tónlist fyrir leikhús og kvikmyndir og sent frá sér hljómplötur fyrir börn. Þá hefur hún unnið við þýðingar, texta- og hugmyndavinnslu í auglýsingageiranum, verið leiðbeinandi á listnámskeiðum fyrir börn og fullorðna, og haft umsjá með útvarps- og sjónvarpsþáttum, þar helst barnatíma Stöðvar tvö sem nefndist Himinn og jörð og allt þar á milli.

 

Margrét skrifaði handritið að dans- og söngvamyndinni Regína (2001), auk þess að semja tónlist við myndina, og hefur síðan starfað við handritagerð. Þar hefur hún skrifað handrit meðal annars fyrir þættina StelpurnarSvarta englaRétt og Pressu, auk Áramótaskaupsins 2006. Margrét sat í stjórn Félags leikskálda og handritshöfunda á árunum 2005 til 2007.

 

Aþena (ekki höfuðborgin í Grikklandi ;), fyrsta skáldsaga Margrétar fyrir börn, kom út árið 2009. Ári síðar fylgdi framhaldið, Aþena – hvað er málið með Haítí, og árið 2011 sendi hún frá sér bókina Með heiminn í vasanum. Fyrir bækur sínar hefur Margrét hlotið Fjöruverðlaunin og Vorvindaviðurkenningu IBBY á Íslandi; fyrir Með heiminn í vasanum hlaut hún barnabókaverðlaun skóla- og frístundaráðs Reykjavíkur, en bókin er einnig tilnefnd til Vestnorrænu barna- og unglingabókaverðlaunanna.

 

Margrét er gift og á fimm börn. Hún býr í Kópavogi.

 

Margrét Örnólfsdóttir

    • 2012 Aþena – að eilífu, kúmen
    • 2011 Með heiminn í vasanum
    • 2010 Aþena – hvað er málið með Haítí?
    • 2009 Aþena (ekki höfuðborgin í Grikklandi ;)

     

    • 2012 - Barnabókaverðlaun skóla- og frístundaráðs Reykjavíkur: Með heiminn í vasanum
    • 2012 - Fjöruverðlaunin: Með heiminn í vasanum
    • 2011 - Vorvindaviðurkenning IBBY: fyrir margþáttað menningarstarf í þágu barna, sérstaklega skáldsögurnar tvær um Aþenu sem komu út árin 2009 og 2010 við góðan orðstír.
    • 2010 - Fjöruverðlaunin: Aþena (ekki höfuðborgin í Grikklandi)

     

    TILNEFNINGAR

    • 2011 - Vestnorrænu barnabókaverðlaunin: Með heiminn í vasanum