SKÁLD.IS

Konur skrifa um konur sem skrifa

Linda Vilhjálmsdóttir

Linda Vilhjálmsdóttir er fædd 1. júní 1958 í Reykjavík og ólst upp á Seltjarnarnesi.

Linda er sjúkraliði að mennt og starfaði við það meðfram ritstörfum um árabil.

Ljóð Lindu hafa birst í dagblöðum, tímaritum og safnritum frá árinu 1982 en fyrsta ljóðabók hennar, Bláþráður, kom út 1990. Árið 2003 gaf hún út skáldævisöguna Lygasögu. Leikrit og ljóðverk eftir hana verið sett upp í Borgarleikhúsinu og Kaffileikhúsinu.

Linda hefur skipað sér í fremstu röð íslenskra ljóðskálda með ljóðabókum sínum sem hafa hlotið mikla viðurkenningu, verðlaun og góða dóma.

Linda var eitt af sjö ungum skáldum sem tóku þátt í ljóðagjörningnum „Fellibylurinn Gloría“, en hann var gefinn út á hljóðsnældu árið 1985. Þá voru ljóð hennar sýnd á Kjarvalsstöðum í apríl 1993. Hún hefur tekið þátt í mörgum bókmennta- og ljóðahátíðum hér heima og erlendis og ljóð hennar hafa komið út í fjölmörgum tímaritum og safnritum víða um heim.

Linda fékk Menningarverðlaun DV árið 1993 fyrir ljóðabókina Klakabörnin. Hún hlaut verðlaun bókmenntahátíðarinnar „European Poets of Freedom“ (Evrópsk frelsisskáld) sem haldin var í Gdansk í Póllandi 2018 fyrir ljóðabókina Frelsi.

Linda Vilhjálmsdóttir er gift Merði Árnasyni og búsett í Reykjavík.


Ritaskrá

  • 2022  humm
  • 2020  kyrralífsmyndir
  • 2018  smáa letrið
  • 2015  Frelsi
  • 2006  Frostfiðrildin
  • 2003  Lygasaga
  • 2000  Öll fallegu orðin
  • 1996  Valsar úr síðustu siglingu
  • 1992  Klakabörnin
  • 1990  Bláþráður

 

Verðlaun og viðurkenningar

  • 2018  European Poets of Freedom fyrir Frelsi
  • 2015  Verðlaun bóksala, besta ljóðabók ársins fyrir Frelsi
  • 2010  Viðurkenning úr Rithöfundasjóði Ríkisútvarpsins
  • 2005  Ljóðastafur Jóns úr Vör fyrir ljóðið „Niður"
  • 2005  Viðurkenning Ljóðstafs Jóns úr Vör fyrir„Sónata fyrir forynju og fylgirödd“
  • 1993  Menningarverðlaun DV í bókmenntum fyrir Klakabörnin

 

 

Tilnefningar

  • 2021  Til Maístjörnunnar fyrir Kyrralífsmyndir
  • 2019  Til Maístjörnunnar fyrir Smáa letrið
  • 2017  Til Bókmenntaverðlauna Norðurlandaráðs fyrir Frelsi

 

Þýðingar

  • 2021  Det finstilta (John Swedenmark þýddi á sænsku)
  • 2021  Das Kleingedruckte (Jón Þór Gíslason og Wolfgang Schiffer þýddu á þýsku)
  • 2019  Friheten (John Swedenmark þýddi á sænsku)
  • 2018  Wolność (Jacek Godek þýddi á pólsku)
  • 2018  Freiheit (Jón Þór Gíslason og Wolfgang Schiffer þýddu á þýsku) 

 

Tengt efni