SKÁLD.IS

Ingibjörg Reynisdóttir er fædd 4. desember 1970.

Ingibjörg er leikkona og rithöfundur. Hún skrifaði ásamt Baldvini Z handritið að kvikmyndinni Óróa (2010) og lék í myndinni sem var sýnd um víða veröld og fékk góða dóma og viðurkenningar. 

Leikrit Ingibjargar sem heitir Móðir mín, dóttir mín var opnunarverk lista- og menningarhátíðarinnar Bjartir dagar í Hafnarfirði 2005. Í leikritinu er skyggnst inn í líf mæðgna þar sem alkóhólismi móðurinnar hefur heltekið líf þeirra.

Ingibjörg ólst upp í Laugarneshverfinu og býr í Reykjavík en hefur áður búið í Kaupmannahöfn þar sem hún lagði stund á leiklist , við Ny Dramaskole, Center of Performing Arts á árunum 1995-1999.

Ingibjörg hefur skrifað tvær unglingabækur (aðra þeirra með dóttur sinni Lovísu Rós) og árið 2012 sendi hún frá sér bók um einsetumanninn Gísla á Uppsölum sem varð feykivinsæl og var í efsta sæti á metsölulista.

Ljósmynd af Ingibjörgu: wift.is