SKÁLD.IS

Konur skrifa um konur sem skrifa

Herdís Egilsdóttir

Herdís Egilsdóttir fæddist 18. júlí 1934 á Húsavík. Hún lauk stúdentsprófi frá Menntaskólanum á Akureyri og fór þaðan í Kennaraskóla Íslands þar sem hún lauk kennaraprófi árið 1953. Herdís hóf síðan kennslu í Ísaksskóla og starfaði þar í 45 ár, fram til ársins 1998.

Herdís hefur skrifað fjölda bóka, leikrit, sjónvarpsefni og námsefni fyrir börn. Þá hefur hún myndskreytt sumar bækur sínar sjálf. Auk þessa hefur Herdís þróað kennsluaðferðir, á borð við Landnámsaðferðina, sem hún hefur einbeitt sér að frá því hún lauk kennslu. Þá hefur hún látið að sér kveða í fjölmiðlum og haldið þar á lofti mikilvægi hljóðlestraraðferðarinnar. Herdís hefur hlotið fjölda verðlauna og viðurkenninga fyrir framlag sitt til barnamenningar.

Herdís er búsett í Reykjavík, hún er gift og á þrjú börn. Hér má nálgast viðtal við Herdísi, þar sem hún fjallar m.a. um lífshlaup sitt.

Myndin af Herdísi er sótt á vefsíðu Kvennablaðsins.


Ritaskrá

  • 2015 Pappírs-Pési á önglinum
  • 2015 Pappírs-Pési í tepparúllu
  • 2015 Pappírs-Pési heimsækir sjúkrahús
  • 2015 Pappírs-Pési í stórmarkaði
  • 2015 Pappírs-Pési í ræningjahöndum
  • 2013 Jón Ólafur Sveinn segir frá
  • 2012 Pappírs-Pési á skólalóðinni
  • 2012 Pappírs-Pési fer í sveit
  • 2012 Pappírs-Pési og eldurinn
  • 2012 Pappírs-Pési og hjólið
  • 2012 Pappírs-Pési verður til
  • 2008 Edda týnist í eldgosinu: sönn saga úr Heimaey
  • 2008 Sigga og skessan á Suðurnesjum
  • 2007 Mæja spæja
  • 2006 Sigga og skessan í sólarlandaferð
  • 2006 Sigga og afmælisdagur skessunnar í fjallinu
  • 2006 Sigga, skessan og leynigesturinn
  • 2006 Sigga og skessan á kafi í snjó
  • 2006 Sigga og skessan í ferðaþjónustu
  • 2006 Sigga og skessan við tröllabrúðkaup
  • 2005 Draumar marglyttunnar
  • 2004 Dularfulla dagatalið
  • 2000 Sigga og afmælisdagur skessunnar
  • 1995 Veislan í barnavagninum
  • 1993 Þótt desember sé dimmur
  • 1992 Söngleikir: Gamla konan og svínið: Gilitrutt
  • 1992 Vatnsberarnir
  • 1991 Föndur
  • 1989 Pappírs-Pési: saga byggð á sjónvarpsmynd frá Hrif
  • 1987 Rympa á ruslahaugnum
  • 1986 Eyrun á veggjunum
  • 1983 Sigga og skessan í umferðinni
  • 1981 Gegnum holt og hæðir
  • 1979 Við bíðum eftir jólum
  • 1979 Spékoppar
  • 1975 Draugurinn Drilli
  • 1973 Veturinn
  • 1973 Haustið
  • 1973 Stafa- og vísnakver
  • 1973 Afmælisdagur skessunnar í fjallinu
  • 1973 Sigga og skessan í vorverkunum
  • 1970 Sigga og skessan hjá tannlækninum
  • 1970 Sigga og skessan í eldsvoðanum
  • 1970 Sigga og skessan í hafísnum
  • 1968 Sigga í helli skessunnar
  • 1968 Sigga og skessan í sundi
  • 1968 Sigga og skessan í fjallinu
  • 1968 Sigga og skessan í skóla
  • 1966 Leskaflar fyrir lítil börn
  • 1956 Bangsi læknir: barnasaga með myndum

Verðlaun og viðurkenningar

  • 2008 Verðlaun Jónasar Hallgrímssonar
  • 1995 Íslensku barnabókaverðlaunin, fyrir myndskreytt handrit: Veislan í barnavagninum (með Erlu Sigurðardóttur)
  • 1990 Skólamálaráð Reykjavíkur: Sérstakt framlag til íslenskra barnabókmennta
  • 1989 IBBY á Íslandi,Vorvindar: Viðurkenning fyrir framlag til barnamenningará Íslandi
  • 1989 Viðurkenning Barnabókaráðs: Pappírs-Pési
  • 1974 Samkeppni Sumargjafar um frumsamið barnaleikrit: Gegnum holt og hæðir