Heiðrún Ólafsdóttir
Heiðrún Ólafsdóttir er fædd árið 1971 í Reykjavík.
Heiðrún varð stúdent frá Fjölbrautarskólanum í Ármúla 1998. Hún bjó í Kaupmannahöfn frá 2001 til 2007 og lauk BA-prófi í ensku frá Kaupmannahafnarháskóla 2007. Hún lauk meistaraprófi í ritlist frá Háskóla Íslands 2014. Þá tók hún viðbótardiplóma í kennslufræðum 2015.
Heiðrún hefur unnið öll heimsins störf, svo að segja; allt frá því að grafa skurði til skrifstofustjórnunar. Hún vann við textagerð hjá ferðaþjónustufyrirtæki í nokkur ár en hætti því starfi í janúar 2017 og hefur síðan helgað sig alfarið skáldskap.
Heiðrún er ein sjö höfunda Ég erfði dimman skóg sem var áhugavert tilraunaverkefni.
Why are Icelanders so happy, er unnin í samvinnu við Hrefnu Guðmundsdóttur, félagssálfræðing.
Heiðrún hefur ritstýrt tveimur ljóðabókum og haldið námskeið í ritlist. Þá hefur hún einnig birt nokkur ljóð í Tímariti Máls og menningar.
Heiðrún býr í Reykjavík.
Ritaskrá
- 2021 Bókin um það sem foreldrar gera þegar börn eru sofnuð (ásamt Lindu Loeskow)
- 2021 Við hæfi
- 2017 Ég lagði mig aftur
- 2017 Why are Icelanders so happy (ásamt Hrefnu Guðmundsdóttur)
- 2015 Ég erfði dimman skóg. ljóðverk (ásamt fleiri höfundum)
- 2014 Leið
- 2013 Af hjaranum
- 2012 Á milli okkar allt
Verðlaun og viðurkenningar
- 2017 Starfstyrkur RSI
- 2012 Nýræktarstyrkur Bókmenntasjóðs fyrir handritið að Á milli okkar allt
Tilnefningar
- 2013 Til Fjöruverðlaunanna fyrir Af hjaranum
Þýðingar
- 2018 Homo sapína eftir Niviaq Korneliussen
- 2016 Zombíland eftir Sørine Steenholdt