Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Hallfríður Jakobs Ragnheiðardóttir fæddist 18. október 1942. Hún lauk BA prófi í frönsku og íslensku frá Háskóla Íslands 1985, MA í íslenskum bókmenntum 1995 og kennslufræðum til kennsluréttinda 2002.

 

Árið 2012 hlaut hún Ljóðstaf Jóns úr Vör fyrir ljóð sitt Triptych. Síðan hafa birtst eftir hana ljóð og smásagan Skírnarherbergið í Stínu.

 

Árið 1986 kom út þýðing Hallfríðar á Elskhuganum eftir Marguerite Duras. Um líkt leyti birti hún þýðingar á tveimur smásögum eftir Marguerite Yourcenar, Síðasta ást Genghis prins (TMM, 1985) og Maríukirkja svalanna (Teningur, 1986), og litlu síðar Þrjár sögur eftir Yasunari Kawabata (TMM, 1989) og smásöguna Hvunndagshamingja eftir Mori Yoko (Lesbók Morgunblaðsins, 18. mars 1989).

 

Í MA-ritgerð sinni rýndi Hallfríður í goðsögur og þjóðsögur í ljósi sálarfræði C. G. Jung. Úr þeim jarðvegi er sprottin bók hennar Quest for the Mead of Poetry sem kom út í Bandaríkjunum 2016 og fjallar um táknmál tíða í íslenskum þjóðsögum og ævintýrum.

 

Árið 2007 hóf hún nám í draumaþerapíu hjá Institute for Dream Studies í Charleston í Suður-Karolínu og útskrifaðist þaðan tveimur árum síðar. Þá hefur hún að baki áralangt nám í tarot-fræðum hjá þeim sem hæst ber á þeim vettvangi vestan hafs.

 

Af greinum eftir Hallfríði má nefna „Gröndal og gróteskan: tilraun til túlkunar á Gandreið Benedikts Sveinbjarnarsonar Gröndals“ (TMM, 1994), „Helgar tíðir“ (Lesbók Morgunblaðsins 3. apr. 2004), „Menstruation“ (í The Book of Symbols), „En er hún fer...“ (TMM, 2018). Frekari upplýsingar er að finna á www.dreamsandtarot.is.

 

Hér má hlusta á viðtal við Hallfríði á Rúv um Rauðu bók Jungs.

Hallfríður Jakobs Ragnheiðardóttir

  • 2019 Úr minnisbókum Steinunnar Lilju Sturludóttur

    2016 Quest for the mead of poetry