Halla Gunnarsdóttir

Halla Gunnarsdóttir er fædd árið 1981 og ólst upp í Mosfellsbæ. Hún er kennari og alþjóðastjórnmálafræðingur að mennt og hefur einkum starfað sem pólitískur ráðgjafi og blaðamaður. Eftir Höllu liggja tvær ljóðabækur Leitin að Fjalla-Eyvindi (2007) og Tvö jarðar ber (2013). Halla skrifaði einnig ævisögu Guðrúnar Ögmundsdóttur, Hjartað ræður för, sem kom út árið 2010 og fræðibókina Slæðusviptingar (2008) sem byggir á MA ritgerð hennar um áhrif írönsku byltingarinnar á líf og störf kvenna.

Halla er einnig hagyrðingur í hjáverkum og tekur reglulega þátt í hagyrðingamótum.

Halla býr í Reykjavík ásamt eiginmanni sínum og dóttur.

Halla Gunnarsdóttir

    • 2013 Tvö jarðar ber
    • 2010 Hjartað ræður för – ævisaga Guðrúnar Ögmundsdóttur
    • 2008 Slæðusviptingar: raddir íranskra kvenna
    • 2007 Leitin að Fjalla-Eyvindi