Vestfirska skáldkonan Halla Eyjólfsdóttir hét fullu nafni Hallfríður Guðrún Eyjólfsdóttir og fæddist hún að Múla við Gilsfjörð 11. ágúst 1866. Hún ólst upp í stórum hópi systkina við þröngan efnahag. Tvítug réði hún sig að Laugabóli við Ísafjörð í Ísafjarðardjúpi og fáeinum árum síðar giftist hún syni hjónanna þar, Þórði Jónssyni frá Laugabóli. Þau eignuðust 14 börn en misstu þrjú þeirra úr barnaveiki 1904. Þórður var formaður á eigin skipi og sótti sjóinn af kappi. Það kom því í hlut Höllu að hafa umsjón með öllum störfum á bænum, jafnt utan- sem innandyra. Skáldskapurinn átti þó ætíð hug hennar allan þrátt fyrir að hún gæti aðeins sinnt honum í hjáverkum.

 

Halla andaðist árið 1937 og lifði það að sjá aðra ljóðbók sína koma út, Ljóðmæli, en seinni ljóðabók hennar, Kvæði, kom út þremur árum eftir andlát hennar. Sigvaldi Kaldalóns tónskáld var heimilisvinur fjölskyldunnar á Laugabóli og samdi hann lög við tvö ljóða Höllu sem má nálgast hér: Svanurinn minn syngur og Ég lít í anda liðna tíð.

 

Frekari upplýsingar um Höllu má finna í eftirmála ljóðabókar hennar Kvæði og umfjöllun Hlyns Þórs Magnússonar á Reykhólavefnum, sjá Halla Eyjólfsdóttir frá Gilsfjarðarmúla - Halla á Laugabóli.

 

Myndin er fengin af síðu Mbl.is, sjá hér

Halla Eyjólfsdóttir

    • 1940 Kvæði
    • 1919 Ljóðmæli

Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband