Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Anna Ingólfsdóttir fæddist 30. október árið 1961 og ólst upp í Garðabæ Foreldrar hennar eru Erla María Sveinbjörnsdóttir skrifstofumaður og Ingólfur Jónsson rennismiður. Anna giftist Árna Margeirssyni (1957-1997) árið 1984. Þau fluttust til Egilsstaða og ráku þar lengi vel auglýsingastofuna og skiltagerðina Nítíuogsjö ehf. Anna og Árni eignuðust þrjár dætur. Árni féll frá aðeins 39 ára að aldri og þremur árum síðar flutti Anna með dætrum sínum aftur til Garðabæjar.

 

Anna er með jógakennararéttindi frá Kripalu Center í Bandaríkjunum og hefur hún kennt jóga síðan 1998. Hún á einnig BA nám að baki í bókmenntafræði og ritlist frá Vermont College í Bandaríkjunum og hefur hún fengist nokkuð við skriftir. Hún sendi frá sér barnabækurnar Mallhvíturnar, sem Sólveig Stefánsdóttir myndskreytti, árið 2009 og Þyngdaraflið, með myndum Elísabetar Brynhildardóttiu, árið 2010. Árið 2012 birtist smásaga eftir Önnu í Rithring.is: smásögur 2012 og sama ár birti hún frásögn sína af makamissi, sem hún varð fyrir aðeins 35 ára gömul, í bókinni Makalaust líf: um ást og sorg, úrvinnslu og uppbyggingu við makamissi. Í bókinni birtist einnig reynsla Guðfinnu Eydal af makamissi og sömuleiðis viðtöl séra Jónu Hrannar Bolladóttur við fjóra einstaklinga sem misstu maka sinn. Í kjölfarið kom út ensk þýðing á Amazon og um þessar mundir er verið að endurgera bókina með annarri nálgun á viðfangsefnið.

 

Helstu heimildir:

  • „Anna Ingólfsdóttir.“ (e.d.). Andartak – Jóga og heilsustöð. Andartak.is http://andartak.is/um-andartak/kennarar-andartak/anna-ingolfsdottir/
  • Anna Ingólfsdóttir. (16. mars 2019). „Það er enginn sem grípur mann.“ Mannlíf.is https://mannlif.is/heimurinn/innlent/thad-er-enginn-sem-gripur-mann/?fbclid=IwAR3ow5sjAe3spZ69OOTS64J0crQUpDt1CoI8dqRoH_d7Mkiy9v_aVQ-GF38
  • „Árni Margeirsson“. (5. júlí 1997). Minningargreinar. Mbl.is. https://www.mbl.is/greinasafn/grein/341397/
  • Myndin er sótt á vefsíðu Mannlífs.

Anna Ingólfsdóttir

    • 2012 Makalaust líf: um ást og sorg, úrvinnslu og uppbyggingu við makamissi (ásamt Guðfinnu Eydal og Jónu Hrönn Bolladóttur)
    • 2010 Þyngdaraflið
    • 2009 Mjallhvíturnar