Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Þuríður Ólafsdóttir Briem fæddist í Eyjum í Breiðdal 28. september 1919 og lést á Seyðisfirði 7. júní 2002. Hún var yngst af fjórum systkinum og var á unglingsaldri þegar faðir hennar missti sjónina og varð skömmu síðar að bregða búi. Foreldrar Þuríðar fluttu til Reykjavíkur en sjálf fór hún norður í Eyjafjörð, í Fagraskóg þar sem hún átti frændfólk, og var þar um tíma. Hún vann við ýmis störf þangað til hún giftist Gísla Þórólfssyni frá Sjólyst og settist að á Reyðarfirði. Þau hjón áttu fjögur börn.

 

Um Þuríði segir í minningargrein í Morgunblaðinu: „Þuríður var í ýmsu á undan sinni samtíð. Hún fór daglega í heilsubótargöngur mörgum árum áður en nokkur lét sér detta í hug að hreyfing væri holl. Hún var einnig mjög bókhneigð og las mikið en gleymdi þá stundum uppvaskinu - enda hljóp það ekkert frá henni!“

 

Þuríður var ljóðelsk og orti talsvert, skrifaði skáldsögu og sendi frá sér ljóðabókina Hagalagða, auk þess birtist eftir hana kveðskapur opinberlega, m.a. í bókunum Aldrei gleymist Austurland og Breiðdælu (safnriti) og víðar. 

 

Þuríður Briem

    • 1983 Hagalagðar
    • 1971 Gleymmérei