Senda inn efni

Vefurinn skáld.is er tileinkaður konum og skáldskap þeirra. Hér birtast viðburðir, fréttir, greinaskrif og fagurfræðilegir textar auk gagnabanka um íslenskar skáldkonur.

Ef þú lumar á efni um skáldkonu sem þú vilt koma á framfæri geturðu sent það inn með því að smella á hnappinn hér að neðan eða á netfangið: skald@skald.is

  • Black Facebook Icon
  • Black Twitter Icon
  • Black Instagram Icon

©2017 Skáld.is  |  ​Skáldaskinna ehf |   Ísland  |  skald@skald.is

Hafðu  samband

Ágústína Jóhanna Eyjúlfsdóttir er fædd 2. desember 1816 í Elliðaey á Breiðafirði, og var móðurafi hennar Jón Þorláksson skáld á Bægisá. Hún ólst upp við mikið ástríki hjá fósturforeldrum frá þriggja ára aldri, en þau féllu frá áður en hún náði fermingaraldri. Fór hún þá aftur til foreldra sinna og frá þeim í Vigur. Hún giftist Einari Hallgrímssyni og bjuggu þau á Stað í Aðalvík í 26 ár. Þau eignuðust fjögur börn. Síðari hluta ævi sinnar voru þau í húsmennsku í Stakkadal í Aðalvík, og þar lést Ágústína 21. október 1873.

 

Ágústína fór snemma að yrkja en ekkert birtist eftir hana á prenti meðan hún lifði. Safn ljóða hennar kom út á Seyðisfirði árið 1883 undir nafninu Ljóðmæli. Er það þriðja ljóðabókin sem kemur út eftir íslenska konu.

 

Textinn er tekinn orðréttur frá Helgu Kress:

Helga Kress. 2001. „Ágústína Eyjúlfsdóttir 1816-1873“, bls. 118. Stúlka. Ljóð eftir íslenskar konur.  Bókmenntafræðistofnun Háskóla Íslands, Reykjavík.

 

Ágústína Eyjúlfsdóttir

    • 1883 Ljóðmæli