SKÁLD.IS

Verðlaunabókin Lang-elstur að eilífu eftir Bergrúnu Írisi Sævarsdóttur var tilnefnd í gær til Barna- og unglingabókaverðlauna Vestnorræna ráðsins. Verðlaunin eru veitt annað hvert ár og er verðlaunaféð 60.000 danskar krónur. Aðrar bækur tilnefndar voru grænlenska bókin Orpilissat nunarsuarmi kusanarnersaat (Det smukkeste juletræ i verden) eftir Juaaka Lyberth og færeyska bókin Loftar tú mær (Griber du mig) eftir Rakel Helmsdal. Verðlaunin verða afhent í nóvember á bókmenntahátíðinni Bókadagar í Norræna húsinu í Þórshöfn í Færeyjum.

Bergrún Íris Sævarsdóttir hefur nú ratað í skáldatalið okkar og eru þær þá orðnar 315 talsins konurnar í gagnabankanum okkar. Bergrún Íris hefur sópað til sín verðlaunum að undanförnu og hlaut hún verðlaun fyrir báðar bækurnar sem hún sendi frá sér á síðasta ári. Kennarinn sem hvarf hlaut Fjöruverðlaunin - bókmenntaverðlaun kvenna og Lang-elstur að eilífu fékk Íslensku bókmenntaverðlaunin. Bergrún Íris er þó ekki aðeins flinkur rithöfundur heldur er hún einnig mjög drátthög og hefur hún annast myndskreytingar fjölda bóka. Myndin af Bergrúnu Írisi er fengin af síðu Bókabeitunnar

Í gærkvöldi var tilkynnt hverjir hlutu Íslensku bókmenntaverðlaunin. Bergrún Íris Sævarsdóttir hreppti verðlaunin fyrir barna- og ungmennabókina Langelstur að eilífu og er það öðru sinni á skömmum tíma sem hún er verðlaunuð fyrir skrif sín því hún hlaut á dögunum Fjöruverðlaunin fyrir barna- og unglingabókina Kennarinn sem hvarf. Skáld.is óskar Bergrúnu Írisi innilega til hamingju! Aðrir verðlaunahafar gærkvöldsins voru Sölvi Björn Sigurðsson sem hlaut verðlaunin fyrir skáldsöguna Seltu - Apókrýfa úr ævi landlæknis og Jón Viðar Jónsson fékk verðlaunin fyrir Stjörnur og stórveldi á leiksviðum Reykjavíkur 1925-1965, í flokki fræðibóka og rita almenns eðlis. Þetta var í 31. skipti sem verðlaun

Ljóð dagsins er Augasteinn eftir Björk Þorgrímsdóttur en það hlaut Ljóðstaf Jóns úr Vör á þriðjudaginn var, 21. janúar. Augasteinn undan nóttinni vaxa trén við vorum sammála um það hvort var það ég eða þú sem komst aftur? var ég heilög og húðin sjúklega geislandi kjarni sítrusávaxta við ræddum lófana í hljóði góm við góm meðan augasteinarnir sukku sáttlausir í myrkrinu það fæst engin medalía fyrir tilraunastarfsemi þú með þína klofnu tungu og ég sem næli orðunni rétt undir viðbeinið Hér má lesa rökstuðning dómnefndar á valinu en nefndina skipuðu Bjarni Bjarnason formaður, Ásta Fanney Sigurðardóttir og Magnús Sigurðsson. ,,Í ljóðinu Augasteinn setur skáldið fram draumkenndar myndir um ten

Björk Þorgrímsdóttir handhafi Ljóðstafs Jóns úr Vör ásamt bæjarstjóra, varaformanni Lista- og menningarráðs og valnefnd í ljóðasamkeppninni. Björk Þorgrímsdóttir, skáld, hlaut Ljóðstaf Jóns úr Vör 2020 fyrir ljóðið Augasteinn. Afhending fór fram við hátíðlega athöfn í Salnum í Kópavogi þann 22.janúar. Á hverju ári efnir lista- og menningarráð Kópavogsbæjar til ljóðasamkeppni undir heitinu Ljóðstafur Jóns úr Vör. Veitt eru vegleg verðlaun og verðlaunaskáldið fær til varðveislu, í eitt ár, göngustaf Jóns heitins úr Vör sem á er festur skjöldur með nafni þess. Þriggja manna dómnefnd velur úr ljóðum sem berast samkeppninni. Tvö hundruð þrjátíu og tvö ljóð bárust í keppnina í ár en þetta er í

María Skagan frá Bergþórshvoli er komin í skáldatalið. Hún var ljóðskáld sem gaf einnig út tvö smásagnasöfn og skáldsögu á höfundarferli sínum. Hún átti við heilsubrest að etja og bjó meginþorra ævi sinnar í Sjálfsbjargarhúsinu þar sem hún lagði starfinu ötullega lið. María stundaði þýðingar og ung skrifaði hún þætti í Sunnudagsblað Tímans þar sem hún starfaði sem blaðakona. María hafði sérstaklega gott vald á móðurmálinu og orti allt sitt líf. Sögur hennar og ljóð voru lesin í útvarpi og nokkrir sönglagatextar eru til eftir hana. María var bundin við hækjur og að endingu við rúmið í tugi ára. Hún tók því með jafnaðargeði að sögn samferðamanna sinna enda hafði hún skáldskapinn sér til hug

Kristjana Emilía Guðmundsdóttir skáldkona (f. 1939) hefur sent frá sér fimm ljóðabækur og skáldskapur hennar hefur birst víða. Hún bjó um skeið á Dröngum á Skógarströnd en er nú búsett á Akranesi. Eitt sinn var tekið stutt útvarpsviðtal við Kristjönu (rúm mínúta) meðan hún bjó þar. Þar segir Kristjana frá aðdráttum á Dröngum, mjólkurbílnum og væntanlegu rafmagni.Spjallið við Kristjönu er varðveitt hjá ismus, sem er vefur fyrir íslenskan músík- og menningararf; gagnagrunnur sem geymir og birtir á vefnum gögn er varða íslenska menningu fyrr og nú. Þar er að finna hljóðrit, ljósmyndir, kvikmyndir, handrit og texta. Verkefnið er í umsjá Tónlistarsafns Íslands og Stofnunar Árna Magnússonar í ís

Kvöldsagan á rás eitt í myrkri og óveðri þessa dagana er Hjartastaður eftir Steinunni Sigurðardóttur. Höfundur les. Sigríður Albertsdóttir fjallaði um bókina 1995 og er ritdómur hennar endurbirtur hér á skáld.is

Þóra Jónsdóttir skáldkona er 95 ára í dag, 17. janúar. Þóra var 48 ára þegar fyrsta ljóðabók hennar, Leit að tjaldstæði (1973) kom út en síðan þá hefur hún sent frá sér fjölda ljóðabóka, auk ljóðrænna örsagna. Nýjustu bókina sendi Þóra frá sér á nýliðnu ári, Sólardansinn (2019). Þóra fæst einnig við myndlist og listaverk eftir hana prýða margar kápurnar á bókum hennar. 2005 kom út safn ljóða Þóru, Landið í brjóstinu, og hefur að geyma fyrstu níu ljóðabækur hennar. Það ætti að vera til í bókahillum allra sem unna íslenskum skáldskap. Á Hugvísindaþing Háskóla Íslands sem haldið verður 13. og 14. mars næstkomandi verður ein málstofan sérstaklega helguð skáldskap Þóru. Skáld.is óskar Þóru Jónsdó

Kvöldsagan á rás eitt er Hjartastaður eftir Steinunni Sigurðardóttur. Höfundur les. Fylgist með frá byrjun! Þegar bókin kom út 1995 fjallaði Sigríður Albertsdóttir um hana í DV: Ferðalag á vegum úti með blótandi og brennivínsþefjandi ungling í aftursætinu. Varla eftirsóknarvert fyrir þreytta, einstæða móður en nauðsynleg ferð ef bjarga á barni. Svo ályktar Harpa Eir, aðalpersónan í Hjartastað Steinunnar Sigurðardóttur en hún gefst upp á Reykjavíkurlífinu og flýr austur á firði með einkabarnið sem öllum að óvörum hefur tekið upp á því að leggjast í drykkju og drabb. Harpa Eir fær bestu vinkonuna, Heiði, til að skutla þeim mæðgum austur þar sem þær ætla að búa um veturinn. Austur komast þær þr

Fjöruverðlaun - bókmenntaverðlaun kvenna á Íslandi voru afhent við hátíðlega athöfn í Höfða í gærdag. Í flokki fagurbókmennta komu þau í hlut Bergþóru Snæbjörnsdóttur fyrir skáldsöguna Svínshöfuð, í flokki fræðibóka og rita almenns eðlis hlaut Sigríður Kristín Þorgrímsdóttir verðlaunin fyrir Jakobínu: Sögu skálds og konu og í flokki barna- og unglingabókmennta fékk Bergrún Íris Sævarsdóttir verðlaunin fyrir Kennarann sem hvarf. Dagur B. Eggertsson, borgarstjóri og verndari verðlaunanna, setti athöfnina og við keflinu tók Brynhildur Heiðar- og Ómarsdóttir, formaður Félags um Fjöruverðlaunin. Það er hefð fyrir því að verðlaunahafar frá árinu á undan afhendi verðlaunin en þar sem Kristín Helga

Sigríður Albertsdóttir fjallar um töfraraunsæi og hvernig það birtist í nokkrum íslenskum nútímaverkum, þar með töldum skáldsögunni Skot, ef

Guðrún Eva Mínervudóttir hlaut í gær viðurkenningu Rithöfundasjóðs Ríkisútvarpsins. Þetta er í 64. skiptið sem þessi elstu rithöfundaverðlaun Íslendinga eru veitt. Þá er þessi viðurkenning sú eina hér á landi sem horfir til ævistarfs höfunda fremur en einstakra verka. Hér má nálgast viðtal Jórunnar Sigurðardóttur við skáldkonuna og hér má nálgast beina útsendingu frá afhendingu menningarverðlauna RÚV en viðurkenning Rithöfundasjóðs heyrir þar undir. Í nefnd sjóðsins situr Guðmundur Rúnar Svansson, sem jafnframt er formaður, tilnefndur af Mennta- og menningarmálaráðherra til fimm ára, frá 2017 til 2021. Skáld.is óskar Guðrúnu Evu innilega til hamingju með viðurkenninguna. Myndin er fengin af

Á árinu sem leið kom út fjöldi nýrra titla eftir konur líkt og sjá má á listanum hér fyrir neðan. Þarna má finna bækur af ýmsu efni fyrir bæði börn og fullorðna og ættu því allir að geta fundið eitthvað við sitt hæfi. Ef það vantar bók á listann þá væri vel þegið að fá upplýsingar þar um, á netfangið skald@skald.is. Ennfremur eru þær skáldkonur sem hafa ekki enn ratað í Skáldatalið okkar hvattar til þess að senda okkur upplýsingar um sig svo að hægt sé að bæta úr því. Fagurbókmenntir Auður Jónsdóttir : Tilfinningabyltingin (Mál og menning) Árelía Eydís Guðmundsdóttir: Sara (Veröld) Ásta Fanney Sigurðardóttir: Eilífðarnón (Partus) Bergþóra Snæbjörnsdóttir: Svínshöfuð (Benedikt) Birta Þórha

Ljóð dagsins er -sen og -son eftir Ólöfu frá Hlöðum (1857-1933) og er skáldkonan sú auðvitað í Skáldatalinu. Ólöf var mikil kvenréttindakona og batt bagga sína ekki sömu hnútum og samferðamenn sínir. Til marks um það vakti búskapur hennar og eiginmannsins nokkra athygli því þau skiptu húsi sínu í tvennt, hafði hvort sína stofu og svefnherbergi. og sömuleiðis höfðu þau aðskilinn fjárhag. Þá klippti hún hár sitt stutt löngu áður en það komst í tísku hér á landi. -sen og -son Ef konurnar hjúskapar komast í stöðu, þær kynlega breytast og skipta um föður, þær breytast svo þvert og svo beint móti vonum, að bónda síns föður þær verða að sonum. Þær sérrétti kasta og sjálfstæði fleygja, þær sjálfum s

Fyrsta kona ársins í skáldatalinu á nýju ári er Sigríður Kristín Þorgrímsdóttir. Hún er ættuð úr Mývatnssveit og af Hornströndum. Bók hennar, Jakobína, saga skálds og konu, vermir metsölulistana og er tilnefnd til bæði íslensku bókmenntaverðlaunanna og Fjöruverðlaunanna. Nýlega var birt magnað viðtal við Siggu Stínu hér á vefnum skáld.is og einnig ritdómur eftir Jónu Guðbjörgu Torfadóttur.

„Systu er mjög í mun að koma því á framfæri með ýmsum dæmum, úr eigin lífi og annarra, hversu mikilvæg öll umgerð barna er og brýn þörfin á leiðbeinandi uppeldi. Þeim mun betur sem uppalandi stendur sig í að leiðbeina barninu þeim mun líklegra er að barninu takist að leysa ágjafir lífsins á fullorðinsaldri. Það læri börnin sem fyrir þeim er haft“ segir Jóna Guðbjörg Torfadóttir í ritdómi sínum „Af spjörun og kyngervi“ þar sem hún fjallar um nýjustu bók Vigdísar Grímsdóttur. Bókin inniheldur í senn endurminningar Sigrúnar Sveinbjörnsdóttur og heimspekilegar hugleiðingar um barndóminn, bernskubrek, ástina og dauðann og er samvinnuverkefni Sigrúnar og Vigdísar sem skrásetur bernskuminningar Sy

Um Systu – bernskunnar vegna eftir Vigdísi Grímsdóttur. Útgefandi er Benedikt útgáfa. Lipur og ljúfur texti Sagan um Systu – bernskunnar vegna er afar vel skrifuð og rennur lipur textinn ljúflega ofan í lesandann. Hún er ennfremur vel uppbyggð; þessum rúmu 250 síðum er skipt upp í níu bækur og bókunum aftur í mjög stutta kafla. Þessi uppbrot á framvindunni gera sögukonunni betur kleift en ella að flakka fram og tilbaka um ævina svo að vel sé. Sigrún Sveinbjörnsdóttir Sagan um Systu fjallar um Sigrúnu Sveinbjörnsdóttur, fædda 19. júni árið 1946. Systa segir söguna en Vigdís Grímsdóttir rithöfundur stýrir pennanum. Sigrún ákvað ung að verða kennari líkt og faðir hennar og lauk hún kennaraprófi