SKÁLD.IS

Vert er að vekja athygli á Ingibjörgu Hjartardóttur (f. 1952) sem hefur líklega samið flest leikrit allra íslenskra skáldkvenna. Hún hefur samið bæði sviðsverk og útvarpsleikrit, auk ljóða og smásagna. Ferill hennar hófst 1985 og seinni árin hefur hún skrifað skáldsögur. Forðum keyrði hún bókabíl milli hverfa og lauk námi sem bókasafnsfræðingur 1980. Ingibjörg er mikill frumkvöðull. Hún er ein af stofnendum Hugleiks, Höfundasmiðjunnar og Ljóðasmiðjunnar. Þegar Ingibjörg flutti norður í Svarfaðardal árið 2001 stofnaði hún ljóðasmiðjuna Hulduhópinn. Hún átti hugmyndina að Fjöruverðlaununum, bókmenntaverðlaunum kvenna og er ein af upphafskonum og stofnendum þeirra og heiðursfélagi. Ingibjörg st

Sigurbjörg Þrastardóttir er afmælisbarn dagsins og skáld.is óskar henni til hamingju með daginn. Þegar nafn hennar er slegið inn á leitarvélar veraldarvefsins kemur ýmislegt skemmtilegt í ljós: Sigurbjörg Þrastardóttir kom fyrst fram á sjónarsviðið, 15 ára gömul, árið 1989 þegar hún var einn af sigurvegurunum í ritgerðarsamkeppni Verzlunarbankans fyrir 9. bekk grunnskóla og hlaut heildarsafn Íslendingasagnanna með nútímastafsetningu í verðlaun. Ári síðar, 1990, nú orðin framhaldsskólastúlka, hlaut hún aftur verðlaun, í ritgerðarsamkeppni Norræna félagsins og í þetta sinn var farmiði til einhvers Norðurlandanna í verðlaun, auk peningaupphæðar í farareyri. Og ekki er allt upp talið að þessum u

Skáldkonan ástsæla, Steinunn Sigurðardóttir, á afmæli í dag, 26. ágúst. Fimmtíu ár eru nú liðin síðan fyrsta bók hennar, ljóðabókin Sífellur, kom út. Innilegar hamingjuóskir fær Steinunn í tilefni dagsins! Sitthvað hefur verið skrifað um Steinunni og verk hennar á skáld.is og er næstu bókar af hennar hendi beðið með eftirvæntingu. Mynd: Alchetron, the free social encyclopedia

Fyrsta leikrit eftir íslenska konu sem sett var á svið í Þjóðleikhúsinu var söngleikurinn Ferðin til Limbó eftir Ingibjörgu Jónsdóttur (1933-1986). Leikritið var sýnt árið 1964 og fékk misjafna dóma. Í Alþýðublaðinu, 12. janúar 1965 segir: Ferðin til Limbó er fjörmikið, litskrúðugt verk, mætavel lagað fyrir augu barnanna sem fylgdust með því af vakandi áhuga frá upphafi til enda...“. Síðan bætir gagnrýnandi við: „En þess er ekki að dyljast að Ferðin til Limbó er einkar efnisrýrt verk; sagan sem sögð er í leiknum barnagaman í einfaldasta myndasögustíl. Þar á móti er það Ingibjörgu Jónsdóttur til lofs og dýrðar að hún dregur enga dul á þetta og setur sig í engar lærimeistarastellingar yfir bö

Nú sker ég netin mín er nýtt ljóðverk sem kemur út næstkomandi 19. september en að því standa Svikaskáldin sex: Fríða Ísberg, Melkorka Ólafsdóttir, Ragnheiður Harpa Leifsdóttir, Sunna Dís Másdóttir, Þóra Hjörleifsdóttir og Þórdís Helgadóttir. Bókin er þriðja ljóðverk Svikaskálda en þau hafa áður sent frá sér verkin Ég er fagnaðarsöngur (2018) og Ég er ekki að rétta upp hönd (2017). Útgáfu bókarinnar verður fagnað á útgáfudegi, 19. september, í Mengi á Óðinsgötu frá klukkan 17 til 19. Þar munu skáldin lesa upp úr verkinu. Forsala er nú hafin á nýrri heimasíðu Svikaskálda. Kostunaraðilar sem kaupa bók í forsölu fá áritað eintak og boð í útgáfuhófið. Meðfylgjandi mynd af Svikaskáldum er tekin a

Út er komin ljóðabókin Jósefínubók eftir skáldmæltu læðuna Jósefínu Meulengracht Dietrich. Ljóðabókin geymir 101 ljóð og rennur ágóði sölunnar til Kattavinafélagsins. Bókaútgáfan Sæmundur gefur bókina út og kemur hún í verslanir næstu daga. Hér á eftir fylgja þrjú ljóð úr bókinni Ljóð númer 11: Á öllum betri mannamótum – mæli ég það vitur snótin – setja upp með fimum fótum femínistar gestaspjótin. Ljóð númer 58: Hafðu bæði haus og sporð, hugsa um ræðu mína, sjóddu fisk og settu á borð segir Jósefína. Ljóð númer 65: Ég brosandi gekk út í blæinn og beint upp í loft stóð mín rófa því sumarið kom yfir sæinn. Það settist á trýnið mitt lóa.

Skáldsögurnar Vetrarfrí og Vetrarhörkur eftir Hildi Knútsdóttur hafa verið tilnefndar sem ungmennabók ársins í Tékklandi. Þar rötuðu þær á eina bók í þýðingu Martinu Kasparovu sem ber titilinn Krvavá zima og þýðir blóðugur vetur. Þá hefur ljóðabókin Drápa eftir Gerði Kristnýju verið þýdd yfir á finnsku og heitir Surmavisri í þýðingu Tapio Koivukari en hann hefur áður þýtt Blóðhófni eftir skáldkonuna.

Nú styttist mjög í hina árlegu Menningarnótt en hún verður næstkomandi laugardag, 24. ágúst. Líkt og fyrri ár er boðið upp á þéttskipaða dagskrá af alls konar menningartengdum viðburðum. Það er býsna margt í boði fyrir bókhneigða og þar láta konur nokkuð að sér kveða. Hér eru tínd til nokkur dæmi um áhugaverða viðburði þar sem skáldkonur koma við sögu en fulla dagskrá Menningarnætur má nálgast hér. Bókmenntahátíð grasrótarinnar – Gröndalshús, Fischersundi kl. 13-23 Upplestur kl. 17-19: Þórdís Helgadóttir, Ólöf Sverrisdóttir, Ásdís Ingólfsdóttir, Jónína Óskardóttir, Þóra Hjörleifsdóttir, Sigrún Björnsdóttir og Díana Sjöfn Jóhannsdóttir. Einnig lesa Þorvaldur Sigurbjörn Helgason, Brynjólfur, Þ

Arnfríður Jónatansdóttir fæddist þennan dag árið 1923, fyrir 96 árum. Hún byrjaði snemma að yrkja og fékk m.a. birt eftir sig ljóð í tímaritinu Emblu, einungis 22 ára. Árið 1958 sendi hún frá sér ljóðabókina Þröskuldur hússins er þjöl sem geymdi viðlíka nýjungar og tíðkuðust á þeim tíma meðal svonefndra atómskálda en aldrei var hún talin til þeirra. Nokkrir ritdómar voru skrifaðir um bókina og voru þeir frekar jákvæðir en annars umlék hana þögnin. Úr því var bætt fyrr á þessu ári en þá réðst Una útgáfuhús í endurútgáfu á ljóðabókinni í von um að hún fengi tilhlýðilegan sess í bókmenntasögunni.

Ljóð dagsins heitir Regnbogaljóð og er eftir Ingunni Snædal. Ljóðið birtist í ljóðabókinni Á heitu malbiki sem kom út árið 1995. Regnbogaljóð Í mildri blámóðu á heitu sumarkvöldi brostir þú við mér mjúkum rauðum vörum Gullin hárin á handleggjum þínum gældu við uppbrettar peysuermar þegar við gengum í döggvotu grasinu

Ingibjörg Elsa Björnsdóttir hefur sent frá sér nýja ljóðabók sem ber titilinn Kvikukantatan. Þetta er önnur ljóðabók Ingibjargar en hún hefur einnig sent frá sér tvö smásagnasöfn og þýðingar. Ingibjörg sækir efnivið ljóðanna í ýmsar áttir og yrkir um trúna, náttúruna, ástina og söguna, svo fátt eitt sé nefnt. Tilvísanir til bæði erlendra sem íslenskra bókmennta koma víða fyrir, dæmi um hið síðarnefnda er ljóð sem hefur að geyma öfluga sjálfsmynd og ber titilinn: Ég heiti Ingibjörg og ég er ljón. Ljóð Ingibjargar spanna vítt tilfinningaróf og augljóst er að hún hefur gott vald á ljóðrænu tungumáli og formi. Skáld.is óskar Ingibjörgu Elsu til hamingju með nýju bókina sem fjallað verður nánar u

Jenna Jensdóttir fæddist 24. ágúst árið 1918 og lést á Hrafnistu í Reykjavík þann 6. mars 2016, 97 ára að aldri. Eftir hana liggur mikill fjöldi barna- og unglingabóka en hún er hvað þekktust fyrir Öddubækurnar sem voru gríðarlega vinsælar og seldust í yfir 60 þúsund eintökum. Einnig lét hún sig menntamál barna varða en hún kenndi börnum og unglingum í áratugi. Jenna var í leiklistarskóla Lárusar Pálssonar, stundaði nám við Kennaraskólann og nam einnig við Háskóla Íslands. Hún stofnaði Hreiðarsskóla árið 1942 ásamt eiginmanni sínum, Hreiðari Stefánssyni, kenndi við Barnaskóla Akureyrar, Langholtsskóla og Barnaskóla Garðabæjar svo eitthvað sé nefnt. Í þætti sem Stöð 2 lét gera um Jennu árið 2

Komin er út ljóðabókin Sofðu mín Sigrún og er hún fyrsta ljóðabók Hlífar Önnu Dagfinnsdóttur. Ljóðin eru átakanleg lesning því þarna kveður Hlíf Anna dóttur sína sem lést árið 2014 úr krabbameini, aðeins 39 ára gömul. Hlíf Anna hefur bæst við sívaxandi Skáldatalið. Hér má lesa tvö ljóð eftir Hlíf Önnu, hið fyrra er úr fyrrnefndri ljóðabók en það seinna hlaut viðurkenningu ljóðasamkeppni Húsfreyjunnar og mun rata í næstu ljóðabók skáldkonunnar. Skáld.is óskar Hlíf Önnu til hamingju með bókina og hlakkar til að fá þá næstu í hendur. Við dánarbeð ungur drengur horfir á móður sína honum er sagt að hún sofi hann veit betur tárvotum augunum horfir hann í kring um sig og segir nú á ég enga mömmu Al

Ljóð dagsins er eftir Ingibjörgu Haraldsdóttur og birtist í ljóðabókinni Hvar sem ég verð sem kom út árið 2002. Bókin hlaut Íslensku bókmenntaverðlaunin árið 2002 og var auk þess tilnefnd til Bókmenntaverðlauna Norðurlandaráðs árið 2004. Ingibjörg var einnig mikilvirkur þýðandi úr rússnesku og þýddi mörg þekktustu verk Dostojevskíj og Búlgakov. Frekari upplýsingar um Ingibjörgu má finna í Skáldatalinu. Skáldkonan sem hvarf Var hún lögst til svefns meðal blómanna hvítu? Var hún hvíslandi lind var hún smáfugl á grein? Var hún týnd í skógi af skáletruðum orðum? Var hún ef til vill orðin að ljóði úti í skógi?

Ingunn Snædal er ekki bara frábært ljóðskáld heldur líka afkastamikill þýðandi eldhúsreyfara og heimsbókmennta og allt þar á milli. 2019 Eldraunin. Jörn Lier Horst 2019 Blóðhefnd. Angela Marsons 2018 Uppruni. Dan Brown 2018 Krítarmaðurinn. C. J. Tudor 2018 Flúraða konan. Mads Peder Nordbo 2018 Óboðinn gestur. Shara Lapena 2018 Myrkrið bíður. Angela Marsons 2018 Týnda systirin. Angela Marsons 2018 Jól í Litla bakaríinu við Strandgötu. Jenny Colgan 2018 Sumar í Litla bakaríinu við Strandgötu. Jenny Colgan 2017 Litla bakaríið við Strandgötu. Jenny Colgan 2017 Þögult óp. Angela Marsons 2017 Einu sinni var í austri, uppvaxtarsaga. Xiaolu Guo 2017 Grænmetisætan. Han Kang 2017 Ljótur leikur. Angela

Guðfinna Þorsteinsdóttir (Erla) orti ljóð fyrir börn og fullorðna, þulur og stökur, en birti lítið fyrr en um miðjan aldur. Eftir hana eru ljóðabækurnar Hélublóm (1937), Fífulogar (1945) og barnaljóðin Ævintýri dagsins (1958). Hún hafði mikinn áhuga á þjóðlegum fróðleik og tók saman frásagnaþætti sem hún m.a. birti í söfnunum Völuskjóða (1957) og Vogrek (1959). Þýðing hennar á skáldsögu Williams Heinesens, De fortabte spillemænd, kom út árið 1956 undir nafninu Slagur vindhörpunnar. Lesa má ýmislegt um ævi og skáldskap Guðfinnu/Erlu í BA-ritgerð Ásdísar Helgu Óskarsdóttur, „Ég er vængstýfður fugl“: Um náttúrusýn í ljóðum Erlu - Guðfinnu Þorsteinsdóttur, frá 2015. Heildarsafn skáldverka hennar

Í síðustu viku var endurfluttur á rás 1 lestur Sólveigar Kr. Einarsdóttur á smásögunni „Ómótstæðilegt mjólkurbú“ úr smásagnasafninu Sögur Sólveigar sem kom út árið 1991. Sólveig hlaut verðlaun Almenna bókafélagsins fyrir smásagnasafnið en um það skrifaði Jenna Jensdóttir ritdóm í Morgunblaðið sem við endurbirtum hér að neðan. Sólveig Kr. Einarsdóttir er komin í skáldatalið og má lesa meira um hana hér. Sögur Sólveigar Sögur þessar eru sextán að tölu og er efni þeirra að mestu sótt í hugarheim kvenna. Þær gerast ýmist á Íslandi eða í Ástralíu, þar sem höfundur býr nú. Við heildarúttekt á sögunum virðist mér að ellefu þeirra skipi sér saman að efni til, þar sem hlutskipti kvenna í heimi karlav

Í gær var tilkynnt á Hýrum húslestrum í Tjarnarbíói hvaða skáld hrepptu verðlaunin í Ljóðasamkeppni Hinsegin daga. 56 ljóð bárust keppninni en í dómnefnd sátu Ásta Kristín Benediktsdóttir, Harpa Rún Kristjánsdóttir og Viðar Eggertsson. Verðlaunin komu í hlut þriggja kvenna: Fyrstu verðlaun fékk Anna Gyða Sigurgísladóttir fyrir ljóð sitt Tartufo nero, önnur verðlaun komu í hlut Brynhildar Yrsu Valkyrju fyrir ljóðið Sláturfélag Suðurlands og þriðju verðlaun hlaut Þórdís Gísladóttir fyrir ljóðið Við Faxaflóa. Þórdís gaf Skáld.is góðfúslegt leyfi til þess að birta verðlaunaljóðið hennar: Við Faxaflóa Útsýnið til sjávar verður óhindrað þar sem ég geymi þig í einangrun en góðu yfirlæti með sn

Skáldkonan Eyrún Ósk Jónsdóttir mun á næstu vikum flytja tvo ljóðagjörninga, hvorn í sínu landinu. Menningarnótt Hinn fyrri er á dagskrá á Menningarnótt, laugardaginn 24. ágúst. Þá flytur Eyrún Ósk ljóð við afrískan trommuleik Akeem Richard en Akeem er þekktur hér á landi fyrir störf sín í þágu fjölmenningar. Verkið ber yfirskriftina Serimónía: ljóð og afrískur trommusláttur og fjallar m.a. um flóttamenn og umhverfisvernd. Flutningur þess tekur um fjörutíu mínútur en áhorfendum gefst kostur á að taka þátt á meðan og að flutningi loknum verður boðið upp á spjall. Frekari upplýsingar um viðburðinn má nálgast hér. Finnland Seinni gjörningur Eyrúnar Óskar fer fram á listahátíð í Finnlandi þann

Sífellt bætist við Skáldatalið og fara skáldkonurnar að nálgast 300 talsins. Nýjasta viðbótin er Guðrún J. Þorsteinsdóttir (1922-2003) en hún gaf út eina ljóðabók, Þankar á flugi árið 1988, sem geymir 35 ljóð ásamt teikningum eftir Margréti Birgisdóttur. Hér má lesa eitt ljóðanna: Skammdegismyrkur á þorra Þegar myrkrið er mest og magnleysið leggst yfir sálina, sé ég fyrir mér lækinn, sem liðast niður túnið. Endalaust, endalaust líður hann áfram. Ég heyri margstrengja hljóminn dökkna og lýsast leysast sundur í ýmsa tóna, tafir við steina verða að smá andköfum, en svo er hann aftur frjáls og flýtir sér niðurfjallshlíðina, áfram, áfram. Ég ligg í röku grasinu og augu mín reika um himininn, hina