SKÁLD.IS

Ljóðið Af mér er eftir Diddu, Sigurlaugu Jónsdóttur, og birtist árið 1995 í ljóðabókinni Lastafans og lausar skrúfur. Af mér Ég flaug lenti, var sannfærð um að ég væri dáin. Var það ekki. Og löggan yfir andliti mínu bað mig vera kyrra. Ég stóð upp. Rak löggurnar út úr garðinum reif mig úr blautum fötunum á leiðinni upp og bauð þeim í hópsex. Ég man ekki hvort þeir vildu það ég man ekki meir. Og mundi ekkert í nokkra daga. Hafði bara jörðina á öxlunum og sprungur í bakinu. Mundi ekki eftir fluginu, kveðjunni frá sjálfri mér ópinu úr barka mínum nóttinni, regninu þakinu. En ég mundi strax daginn eftir hvar hassið mitt var. Og á meðan líkami minn stirðnaði reykti ég. Tveim dögum síðar var ég ko

Þrjár skáldkonur fagna útgáfu ljóðabóka sinna í Mengi við Skólavörðustíg, miðvikudaginn 28. febrúar. Þetta eru þær Ásdís Ingólfsdóttir með bók sína Ódauðleg brjóst, Díana Sjöfn Jóhannsdóttir með Freyju og María Ramos með Salt. Allar eru þær að gefa út sína fyrstu ljóðabók. Á vefsíðu Partusar má finna stutta umfjöllun um bækurnar en þar segir um Ódauðleg brjóst að í bókinni sé heilt líf undir, „allt frá átákanlegri reynslu ungrar stúlku til þroskaðra tilfinninga og hugsana fullorðinsáranna." Um ljóðabókina Freyju segir að þar sé að finna „vafningalaus ljóð um flækjurnar og hnútana í lífinu og dauðanum og tilraunir okkar til þess að leysa þá með orðum". Loks er sagt að ljóðabókin Salt geymi „l

Skáld vikunnar er Margrét Örnólfsdóttir. Margrét er fjölhæfur listamaður sem unnið hefur á mörgum sviðum. Hún er rithöfundur, handritshöfundur og tónlistarkona sem hlaut Íslensku bjartsýnisverðlaunin 2017 sem afhent voru í janúar 2018. Margrét Örnólfsdóttir (Mynd: Hari/Fréttatíminn). Ferill Margrétar spannar yfir 30 ár og hefur hún komið víða við. Sem tónlistarmaður starfaði hún sem hljómborðsleikari Sykurmolanna frá 1988 til 1994 og síðan sjálfstætt við ýmiss verkefni. Ritstörf voru alltaf hugleikin og fyrsta bók hennar kom út árið 2009. Hún hefur síðan getið sér gott orð sem handritshöfundur fyrir sjónvarp og komið að gerð fjölmargra þáttaraða. Margrét var valin heiðurslistamaður Kópavogs

Skáld.is birtir úr handraðanum umfjallanir um bókmenntir kvenna sem eiga erindi við okkar enn í dag sem aðra daga. Hér fer á eftir umfjöllun Sigríðar Albertsdóttur um ljóðabókina Ljósar hendur. Úrval úr ljóðum Ágústínu Jónsdóttur, Vilborgar Dagbjartsdóttur og Þóru Jónsdóttur sem gefin var út af Fjölvaútgáfunni árið 1996. Yfirlit yfir ævi og verk þeirra allra má finna í Skáldatalinu. Ljósar hendur heitir nýútkomin bók með úrvali úr ljóðum skáld kvennanna Ágústínu Jónsdóttur, Vilborgar Dagbjartsdóttur og Þóru Jónsdóttur. Vilborg og Þóra eru væntanlega vel kunnar lesendum og Ágústína hóf feril sinn eftirminnilega með þremur stórglæsilegum ljóðabókum árin 1994 og 1995. Það er vel til fundið að

Harpa Rún Kristjánsdóttir, bændadóttir og bókmenntafræðingur hleypti Skáld.is í skúffuna hjá sér að þessu sinni. Harpa deilir með okkur tveimur ljóðum sem hún hefur nýlega lokið við. Heimasætan Harpa Rún er alin upp á bænum Hólum við Heklurætur og þar unir hún sér best. Alltaf verið sískrifandi og með með nefið í skruddunum, ásamt því að sitja yfir ánum. Þessi lýsing gæti vel verið skrifuð löngu fyrir síðustu aldamót en Harpa Rún er hér og nú 2018 og skrifar meistararitgerð sína Íslenskar dystópíur (ólandssögur) fyrir fullorðna og hver þeirra staður sé í íslenskri bókmenntahefð. Ásamt MA ritgerðarskrifum vinnur hún hjá bókaútgáfu Sæmundar við prófarkalestur, fornbókagrúsk og allskonar og það

Noregur er fyrst þjóða til að gera allar norskar bækur fram að síðustu aldamótum aðgengilegar á netinu, norskum notendum að kostnaðarlausu. Síðan sem hýsir bækurnar heitir bokhylla.no og má finna þar um 250.000 bækur. Norski menntamálaráðherrann, Trine Skei Grande, sagði meðal annars við opnun þessa netbókasafns að aukið aðgengi að norskum bókmenntum og fræðiritum væri mikilvægur liður í að varðveita norskuna auk þess sem það efldi þjóðernisvitund Norðmanna því þarna mætti nálgast menningararf þjóðarinnar með afar auðveldum hætti. Í netbókasafni Norðmanna má m.a. nálgast þýðingar á sögum Svövu Jakobsdóttur, Steinunnar Sigurðardóttur og Yrsu Sigurðardóttur og á ljóðum íslenskra skáldkvenna. Þ

Hugleiðing út frá sameiginlegum efnisþáttum í skáldsögum Auðar Jónsdóttur, Fólkinu í kjallaranum og Tryggðapanti. Foreldrar sem hlaupast undan merkjum, misbjóða börnum sínum eða valda ekki hlutverki sínu hljóta alltaf að skilja börn sín eftir á bersvæði. Óvitaskapur eða sinnuleysi foreldranna gengur í arf rétt eins og ríkidæmi eða fátækt, kynslóð fram af kynslóð. Samfélagið allt getur orðið ofurselt slíku viðhorfi og þá eiga börnin ótryggt skjól. Tvær síðustu skáldsögur Auðar Jónsdóttur, Fólkið í kjallaranum og Tryggðarpantur fjalla meðal annars um þetta áleitna og viðkvæma efni. Í víðari skilningi fjalla þær um aðskilnað af ýmsu tagi hvort heldur sem er við ættjörð, fjölskyldu, foreldra e

Skáld vikunnar er Hulda eða Unnur Benediktsdóttir Bjarklind. Hún fæddist þann 6. ágúst árið 1881 að Auðnum í Laxárdal í Suður-Þingeyjarsýslu. Foreldrar hennar voru Guðný Halldórsdóttir sem var bókhneigð kona og Benedikt Jónsson bóndi á Auðnum en síðar sýsluskrifari og bókavörður á Húsavík. Hulda átti ekki langt að sækja skáldgáfuna þar sem Guðný Jónsdóttir frá Klömbrum var afasystir hennar. Á 19. öld þreifst blómlegt menningarlíf í Þingeyjarsýslu og sömuleiðis stóðu þingeyskar konur framarlega í baráttu fyrir auknum kvenréttindum. Foreldrar Huldu tóku þátt í þessari menningarvakningu. Benedikt var einn af stofnendum Kaupfélags Þingeyinga og meðal forsvarsmanna lestrarfélags sem var stofnað

Áslaug Jónsdóttir, Kristín Eiríksdóttir og Unnur Jökulsdóttir hrepptu Íslensku bókmenntaverðlaunin í ár. Forseti Íslands, Guðni Th. Jóhannesson, afhenti verðlaunin síðastliðinn þriðjudag við hátíðlega athöfn á Bessastöðum. Í dómnefnd voru Gísli Sigurðsson, formaður nefndar, Helga Ferdinandsdóttir, Hulda Proppé og Sigurjón Kjartansson. Áslaug Jónsdóttir hlaut, ásamt, Rakel Helmsdal og Kalle Güettler, verðlaun í flokki barna- og ungmennabóka fyrir bókina Skrímsli í vanda. Litla skrímslið og stóra skrímslið eru orðin flestum Íslendingum vel kunn; sögurnar eru orðnar níu talsins auk þess sem skrímslin hafa ratað á fjalir Þjóðleikhússins. Bækurnar eru unnar í samstarfi Áslaugar Jónsdóttur, texta-